黃金廚房

Open Now

Now Closed

天氣開始轉涼，就想打邊爐，同朋友喺深水埗行完街見到呢間黃金廚房，即刻入咗去打個邊爐先。首先我哋叫咗白鱔片，一碟份量都好多，滿滿一碟，好足料。加上白鱔魚肉肉質好滑嫩，加上冇乜骨，可以放心食。然後再叫個好補嘅花雕豬腦，一啲異味都冇，仲有淡淡嘅花雕酒香，入口都好滑嫩。仲有唔少得鮮鵝腸，口感滑溜得嚟，又有咬口。份量夠曬多，而加埋個超濃湯底，真係一流。想食得冇咁重口味，湯底就揀左蕃茄薯仔牛坑腩鍋，呢個湯底蕃茄味都好濃，酸酸甜甜好開胃！最佳配搭一定係蕃茄薯仔湯！而牛坑腩入口鬆化，牛味香濃，唔錯唔錯👍🏻