Video
Read full review
2023-02-01
149 views
今日專程陪朋友去深水埗行黃金廣場行咗成個下晝，佢買咗啲電子產品🖥️💽💿📀📱⌚️⌨️🎮，我自己無咩打開機，比較少研究呢啲，不過聽聽下都覺得幾得意！🚶🏻♀️🚶🏻♂️我哋見行到攰攰地，想坐低一陣，見到附近有間火鍋店好似幾多人行上去，就跟人盲中中咁衝咗上去，結果試下又幾好食喎！😋火鍋🍲有好多款火鍋湯底可以揀，我揀咗番茄薯仔牛坑腩湯底 $188 🍅🥔🍖，撈起有好幾舊牛坑腩，啲肉質仲係好高質，一啲都唔會好鞋身！豬頸肉一碟 $48 好抵食，份量好多，大家記得跟我嗌，我哋嫌一碟唔夠食添啊！🤣 最鍾意呢度嘅豬頸肉夠大塊，而且仲有少少脂肪，好爽好正！呢度主打生猛海鮮，餐廳中間位置擺放左一個超級巨大嘅海鮮魚缸🐠🐟🐬🐡🐳。啲海鮮款式有好多，我哋揀咗珍珠蚌 $108 試吓！蚌肉已經切咗一片片薄片，所以可以輕輕放入去湯底入邊圾下，淥1、2分鐘已經熟透，肉質都幾鮮甜爽彈！自家製鮮蝦雲吞 $60 都唔錯，蝦肉好爽甜，皮夠薄，一共有六粒！♨️豬皮 $38 都有好多塊，仲要係厚切‼️ 欣賞每塊啲豬皮毛都清得幾乾淨！稻庭烏冬 $32 好滑身，淥完都keep住繼續咁煙韌，我哋連續食咗兩個烏冬麵！🙈😋全晚最正係呢度打邊爐嘅環境好寬敞舒適
今日專程陪朋友去深水埗行黃金廣場行咗成個下晝，佢買咗啲電子產品🖥️💽💿📀📱⌚️⌨️🎮，我自己無咩打開機，比較少研究呢啲，不過聽聽下都覺得幾得意！
🚶🏻♀️🚶🏻♂️我哋見行到攰攰地，想坐低一陣，見到附近有間火鍋店好似幾多人行上去，就跟人盲中中咁衝咗上去，結果試下又幾好食喎！😋
火鍋🍲有好多款火鍋湯底可以揀，我揀咗番茄薯仔牛坑腩湯底 $188 🍅🥔🍖，撈起有好幾舊牛坑腩，啲肉質仲係好高質，一啲都唔會好鞋身！
豬頸肉一碟 $48 好抵食，份量好多，大家記得跟我嗌，我哋嫌一碟唔夠食添啊！🤣 最鍾意呢度嘅豬頸肉夠大塊，而且仲有少少脂肪，好爽好正！
呢度主打生猛海鮮，餐廳中間位置擺放左一個超級巨大嘅海鮮魚缸🐠🐟🐬🐡🐳。啲海鮮款式有好多，我哋揀咗珍珠蚌 $108 試吓！蚌肉已經切咗一片片薄片，所以可以輕輕放入去湯底入邊圾下，淥1、2分鐘已經熟透，肉質都幾鮮甜爽彈！
自家製鮮蝦雲吞 $60 都唔錯，蝦肉好爽甜，皮夠薄，一共有六粒！♨️
豬皮 $38 都有好多塊，仲要係厚切‼️ 欣賞每塊啲豬皮毛都清得幾乾淨！
稻庭烏冬 $32 好滑身，淥完都keep住繼續咁煙韌，我哋連續食咗兩個烏冬麵！🙈😋
全晚最正係呢度打邊爐嘅環境好寬敞舒適，唔會好似有啲火鍋店，絕對唔噏耷，一路飲茶一路歎火鍋好正！🥳
📍深水埗欽州街94號黃金中心商場一樓全層
Post
