Video
Read full review
2024-05-30
15345 views
呢間意大利餐廳只係開業半年已經人氣爆燈, 去到見到真係座無虛席, 氣氛好好, 黎慶生既話仲會幫你拍即影即有添😎 食物選擇都相當有特色, 基本上我地叫既菜式都係出色, 酒類飲品都唔貴🤩Carbonara Egg🥚($38)用左8g 蛋黃牛油, 意大利羊奶芝士, 風乾豬臉頰肉去整既呢道前菜裝左係一個蛋殼入面, 再放係舖滿爆谷粒既碟上面十分精緻, 口感綿滑豐富而不油膩, 芝士既鹹香味好突出, 食到底部仲見到流心既蛋黃, 真係睇得又食得😍Tubetti🍝 ($198)墨魚同魷魚肉整成既醬帶有彈牙既肉粒再加埋酸橙皮碎既微酸, 成個醬汁好濃郁, 完美覆蓋每粒通心粉, 最後我仲攞左啲麵包黎點個醬食🤣Yellow Chicken🐔 ($288/$498)用左濃雞汁配上牛油去煮既呢個Yellow chicken 真係由外滑到內, 仲要勁多汁, 最特別既係仲會配埋雞腳, 另外仲有薯菜去做伴碟, 呢個真係必叫🥰Tiramisu🍮($98)頂層濃厚幼滑既忌廉配上用酒去浸既手指餅, 散發出淡淡既酒香好好食🤩最後當然唔少得酒既部分啦, 同朋友叫左一杯Moscato同白酒, 兩杯係$98, 白酒順滑易入口唔酸, 呢
呢間意大利餐廳只係開業半年已經人氣爆燈, 去到見到真係座無虛席, 氣氛好好, 黎慶生既話仲會幫你拍即影即有添😎 食物選擇都相當有特色, 基本上我地叫既菜式都係出色, 酒類飲品都唔貴🤩
Carbonara Egg🥚($38)
用左8g 蛋黃牛油, 意大利羊奶芝士, 風乾豬臉頰肉去整既呢道前菜裝左係一個蛋殼入面, 再放係舖滿爆谷粒既碟上面十分精緻, 口感綿滑豐富而不油膩, 芝士既鹹香味好突出, 食到底部仲見到流心既蛋黃, 真係睇得又食得😍
Tubetti🍝 ($198)
墨魚同魷魚肉整成既醬帶有彈牙既肉粒再加埋酸橙皮碎既微酸, 成個醬汁好濃郁, 完美覆蓋每粒通心粉, 最後我仲攞左啲麵包黎點個醬食🤣
Yellow Chicken🐔 ($288/$498)
用左濃雞汁配上牛油去煮既呢個Yellow chicken 真係由外滑到內, 仲要勁多汁, 最特別既係仲會配埋雞腳, 另外仲有薯菜去做伴碟, 呢個真係必叫🥰
Tiramisu🍮($98)
頂層濃厚幼滑既忌廉配上用酒去浸既手指餅, 散發出淡淡既酒香好好食🤩
最後當然唔少得酒既部分啦, 同朋友叫左一杯Moscato同白酒, 兩杯係$98, 白酒順滑易入口唔酸, 呢度既氣氛真係好好, 兩個人埋單都唔洗$500一個人, 真係好抵食🤩
Post
