德家日式燒肉店 (Closed)

今晚放工約左妹妹行旺角，買左吾少嘢，經過創興廣場，有幾位阿姐在派傳單，妹妹睇中其中一間德家日式燒肉店，妹妹說都聽過朋友食過呢間，質素吾錯，今晚就去試試吧！燒肉店地方都幾大又整潔，沒有太大油煙味！設有自助區，有冷盤、飲品、雪糕等，還有好少放題有的任飲生啤。冷盤我喜歡凍蝦和青口，鮮味十足，小食螺肉、八爪魚等都好味！我們選了海鮮刺身盛燒肉半放題，一次性的刺身拼盤有三文魚、油甘魚、帶子新鮮肥美，魷魚和赤貝爽口。一次性的海鮮拼盤好新鮮，有大扇貝、鮑魚、海蝦、八爪魚、甲羅燒，海鮮鮮甜彈牙，甲羅燒足料，蟹肉蟹膏蟹籽和葱花，邊燒邊攪拌，味道鮮甜又有口感！之後任食餐紙上的食物，我點了鮮嫩的羊排、嫩滑的雞翼和雞腿肉。還有彈牙的海蝦、啖啖肉的鯖魚。番薯仔用小鍚紙盆盛載，加入牛油，放在爐上燒，番薯仔軟糯鮮甜，沾上牛油鹹鹹地，又香又惹味！台灣黑椒腸辣辣地有口感。特別一讚就是侍應好細心，常常留客人爐上的墊底紙一有燻黑，就立即更換，值得一讚！最後嘆返杯名牌雪糕，每人一杯，永不落空！