SABROSA

Open Now

Now Closed

平日晚飯時間同朋友晚餐，帶咗佢嚟我都幾鍾意嘅一間西班牙餐廳，位於銅鑼灣，位置方便，而且佢哋嘅環境舒服，食物高質，價錢又唔貴，係非常穩陣嘅選擇☺️☺️揀選左食物之後，可以食住麵包先點醋食，開胃😁😁新鮮水牛布拉塔芝士配火箭菜沙律大大個水牛布拉塔芝士，見到都心心眼💕💕配上火腿鹹香味+ 火箭菜，starter首選😌⭐️傳統西班牙烤乳豬好巨型！真係性價比超高！乳豬外皮非常香脆，皮下面有薄薄嘅一層脂肪，如果唔想咁肥，用匙羹刮走都好方便😁 乳豬肉質非常柔軟，輕易就可以分成一絲絲，非常推薦！仲有脆卜卜嘅羽衣甘藍，好似食緊炸紫菜咁，好過癮😁😁另外我哋仲嗌咗一個主菜：慢煮羊膝配燉蕃茄白腰豆。份量亦係相當驚人！完全冇諗過，眼見嘅大部份都係肉！切開，真係全部都係肉！而且全部都好柔嫩，好入味🤤🤤🤤🤤軟綿綿嘅白腰豆，增加咗啲澱粉質，成件事真係非常好食！