Video
Read full review
2020-01-20
88 views
天氣凍凍地最啱去食個熱辣辣嘅拉麵。大埔有間隱世拉麵店，開喺一條唔起眼嘅巷仔入面。拉麵質素高，價錢合理，所以我間唔時都會去食。一鳴拉麵有五款拉麵：豬骨、黑蒜油、莞茜、辣味同期間限定。五款我都試過，但我最鍾意嘅都係辣味。一黎出面比較少見，二黎冬天食個超辣拉麵真係好爽😂。焰鳴(辣味)拉麵辣道十足，好野味。有木耳、櫻花蝦作配料。溏心蛋好味。拉麵有得揀曲麵或者直麵，我比較鍾意曲麵，粗啲彈牙啲。配料方面有得揀叉燒或者豬軟骨，我鍾意叉燒多啲，肥瘦適中，好腍好夠味，好食！之前試過炸雞同雞心串燒，都幾好食。所以今次都想試下其他串燒，就叫咗客厚切牛舌試下。$58得一串三舊，雖然係貴啲，但牛舌係厚切，而且燒得好好食，重牛味之餘都好腍，好香好好食，值得encore!環境好日本風，野食質素高，值得一試！
大埔有間隱世拉麵店，開喺一條唔起眼嘅巷仔入面。拉麵質素高，價錢合理，所以我間唔時都會去食。
一鳴拉麵有五款拉麵：豬骨、黑蒜油、莞茜、辣味同期間限定。五款我都試過，但我最鍾意嘅都係辣味。一黎出面比較少見，二黎冬天食個超辣拉麵真係好爽😂。
焰鳴(辣味)拉麵辣道十足，好野味。有木耳、櫻花蝦作配料。溏心蛋好味。
拉麵有得揀曲麵或者直麵，我比較鍾意曲麵，粗啲彈牙啲。
配料方面有得揀叉燒或者豬軟骨，我鍾意叉燒多啲，肥瘦適中，好腍好夠味，好食！
之前試過炸雞同雞心串燒，都幾好食。所以今次都想試下其他串燒，就叫咗客厚切牛舌試下。$58得一串三舊，雖然係貴啲，但牛舌係厚切，而且燒得好好食，重牛味之餘都好腍，好香好好食，值得encore!
環境好日本風，野食質素高，值得一試！
Post
