一鳴拉麵

Open Now

Now Closed

琴晚突然好想食拉麵，咁岩又響大埔，就諗起之前食過間好好味引抵食既拉麵店。無錯，就係一鳴喇今日去食果陣已經超肚餓，本身已經打算要叫多ｄ野食。所以今次叫左一個拉麵加一個炸物小食。一直以黎都係辣野既愛好者，所以就算係食唔同地方唔同鋪頭既拉麵，都一定係叫辣味拉麵。入黎坐低即刻有人招呼我，比左一大樽檸檬水同埋餐牌我。入面拉麵可以有好多不同配搭，唔同硬度配料。除左叫左個辣拉麵仲叫左個炸軟殼蟹，食落真係冇後悔叫左佢。落完單就禁住手機慢慢等，望下周圍發現間鋪原來都幾似之前去日本居酒屋ｆｅｅｌ，感覺幾有特色。睇落周圍都好乾淨同衛生，同其他拉麵店唔同，試過有大型連鎖拉麵店成地肉都冇人清理。等左大約５—１０分鐘左右個拉麵就到左，雖然辣度唔係好夠（但食落唔係淡，而係用辣引到個湯底香味出黎），食落都有另一種風味。而且軟硬度岩岩好，好易入口。再過多１０分鐘隻軟殼蟹終於都黎埋，隻炸蟹味好鮮同埋好ｊｕｉｃｙ，再配埋檸檬汁完全將個蟹香味帶上另一個高峰。而且係即叫即炸，炸物真係要夠熱先好食。但如果可以早ｄ黎就更加好。經過大埔可以去試下依間拉麵鋪。