R.I.M.K (Closed)

早就聽聞旺角嘅樓上cafe款式多多 好多選擇，今次同朋友就揀左R.I.M.K去食雖然餐廳係唐樓樓上，不過勝在地理位置優越，就係旺角百老滙戲院隔離，方便易搵~西西里大蝦辣番茄汁意大利粉🦐大蝦已經剝殼 同茄汁融合埋一齊😋雖然話係辣番茄汁，不過我認為唔算好辣，食唔到辣嘅朋友都可以一試！再配合西西里風味嘅醬汁🤩簡直令人回味無窮！蟹肉蟹子明太子扁意粉🍝每條意粉都沾滿了滿滿嘅蟹子&明太子，份量足料！不過個人就認為有少少膩🤭如果細食嘅人未必可以食得曬黑松露野菌意大利飯份量足夠！大大碟😂好夠食入面有唔同嘅野菌種類，與忌廉黑松露嘅配搭真係完美脆炸黑松露雞翼身為黑松露控嘅我真係唔放過任何關於黑松露嘅食物😂雞翼炸得酥脆可口，上面仲附帶沙律醬&蛋黃醬，再將黑松露撒在沙律醬上避風塘薯條🍟避風塘炒蟹就試過🧐但避風塘口味嘅薯條真係第一次試薯條十分惹味😍每條薯條都沾滿香料，令避風塘口味十分突出。同時亦可見到有用辣椒&芫茜作調味，真係值得一試👍🏻野飲方面就叫左：蜜桃果粒茶🍑&玫瑰花茶🌹2壺茶暖笠笠咁上黎，天氣凍真係好舒服😌而且亦好解膩～