漁火海鮮刺身火鍋

Open Now

Now Closed

同朋友慶生,去打邊爐,因打邊爐係佢至愛。漁火食材優質,冇令我失望。我地叫左個招牌湯底,有花膠,又有響螺,滋補又好食,響螺有咬口。我地叫左特大蟶子,一d沙都冇,放去湯到滾8秒就食得,彈牙清爽,而d蜆肉又係好大隻,唔錯唔錯!叫左泰式生蝦刺身,佢既生蝦醬汁有微甜、酸辣同微辣既風味,點完個醬汁,先食到虎蝦既鮮美,跟住就食到生蝦醬汁既複雜風味,好味道。至於小食係百花釀油條,餐廳用左花枝漿加上新鮮既海蝦仁調製,釀入酥脆的油條,外層酥脆內餡飽滿彈牙,係好有風味既小食。而打邊爐當然唔少得牛頸脊啦!呢碟肉好有肉味,好食,大滿足。店員不時幫我地換碟加茶,好服務呀!