Video
Read full review
2022-04-23
1302 views
上星期日同鏡粉食呢間AK/Jer/肥仔開嘅串燒店。本身我哋見到啲食評咁多正評，都諗緊係咪因為啲粉絲濾鏡；結果唔係囉，真心好食！首先記得網上預約。我去嗰日個場就滿客嘅，但唔好問我難唔難book，因為其實我都係朋友個朋友book咗但嚟唔到，所以我先有機會試到😂餐廳有吧枱位同卡位；本身我哋想坐卡位，但被安排坐吧枱位。不過後來發現坐吧枱位其實都幾光，幾方便影相！同埋廚師會主動幫我哋影相，另外店員服務態度都非常好，好落力幫客人加水收碟，值得稱讚👍🏻除此之外，不得不提嘅係佢個廁所好高質！雖然得一格，但係有Aesop嘅洗手液同hand cream，仲有CK香水同埋漱口水比客人用，超級貼心💯雖然呢間係明星店，但食物質素絕對對得住個價錢！星期六、日及公眾假期午市最低人均消費$300。我哋食以下食物加一支蜜桃梳打$48 總共$816，人均食咗$408，食到好飽呀🤰🏻🐓雞湯係帶著超級濃郁雞味嘅welcome湯，飲到底仲會見到啲腐皮喺入邊😉🍢串燒雞提燈 $48母雞嘅輸卵管，真係罕有到我都唔夠膽食，朋友話質地偏硬。另外仲有粒未孵化嘅蛋🌝雞冠串 $42 夠晒罕有，爽口好食，唔驚嘅可以試吓👍🏻月見燒雞肉棒 $58點
首先記得網上預約。我去嗰日個場就滿客嘅，但唔好問我難唔難book，因為其實我都係朋友個朋友book咗但嚟唔到，所以我先有機會試到😂
餐廳有吧枱位同卡位；本身我哋想坐卡位，但被安排坐吧枱位。不過後來發現坐吧枱位其實都幾光，幾方便影相！同埋廚師會主動幫我哋影相，另外店員服務態度都非常好，好落力幫客人加水收碟，值得稱讚👍🏻
除此之外，不得不提嘅係佢個廁所好高質！雖然得一格，但係有Aesop嘅洗手液同hand cream，仲有CK香水同埋漱口水比客人用，超級貼心💯
雖然呢間係明星店，但食物質素絕對對得住個價錢！星期六、日及公眾假期午市最低人均消費$300。我哋食以下食物加一支蜜桃梳打$48 總共$816，人均食咗$408，食到好飽呀🤰🏻
🐓雞湯
係帶著超級濃郁雞味嘅welcome湯，飲到底仲會見到啲腐皮喺入邊😉
🍢串燒
雞提燈 $48
母雞嘅輸卵管，真係罕有到我都唔夠膽食，朋友話質地偏硬。另外仲有粒未孵化嘅蛋🌝
雞冠串 $42
夠晒罕有，爽口好食，唔驚嘅可以試吓👍🏻
月見燒雞肉棒 $58
點埋個日本生雞蛋食，照燒雞肉食落口更加香滑😋
豚肉蘋果串 $42
蘋果嘅果酸令到豚肉更香甜可口；好有驚喜，要試🤗
鹽燒牛舌 $78
最怕啲牛舌太韌，呢個就咬到嘅，但略嫌有啲鹹🤭
燒雞心串 $42
望到疑似血管嘅物體，食落似肝嘅質地，可以一試🙌🏻
鹽燒雞尾 $42
即係雞pat pat，係軟稔稔嘅pat pat脂肪，出奇意料地好味，都值得一試🤟🏻
🥖味噌雞肝醬伴法包 $88
個法包本身好香蒜蓉牛油味，加埋個質地有啲似芝士醬、無咩腥臭內臟味嘅味增雞肝醬，真係好好食🤤
🤍雞皮稻庭烏冬 $98
有好多塊脆口得來煙煙韌韌嘅雞皮，同埋好彈牙嘅扁身稻庭烏冬。由於有好多京蔥，所以唔喜歡食蔥嘅朋友就覺得個湯有陣蔥味，但我就覺得個湯好清甜👍🏻
🐟唐揚池魚仔 $58
呢個送酒一流！份量多，食到我懷疑自己前世係貓！池魚仔炸得非常香口，無咩骨，魚肉都幾嫩😽
🔮九龍球 6粒 $98
訂座時候要book定嘅打卡甜品，其實係水果蒟蒻球配黑蜜糖水，每粒球都有唔同嘅水果，例如士多啤梨、藍莓、提子。相比之下，呢個甜品比鹹食有啲失色🙃
Post
