Video
Read full review
2022-05-20
14 views
餐廳位於佐敦位置，放工由柯士甸站慢慢行過泥，都好容易搵到餐廳裝潢使用日式風格，店鋪空間唔算大，但枱與枱之間都有空間距離，唔會同隔離枱好貼近，可以同三五知己傾計都唔怕隔離枱聽到或者太大聲。老闆親自負責樓面、十分親切招呼客人，係到未開始食飯已經好舒服。選擇好食咩只需影QR Code落單，十分方便。老闆親切介紹依家做緊優惠：啤酒買一送一。落完單之後，老闆熱情地為我地送上蕃茄做前菜，蕃茄配上柚子汁，小小酸味真係幾開胃。老闆好醒目咁問我地需唔需要先送上一杯啤酒，留返第二杯之後上，串物都好快陸續送上。加分位係，燒物上碟時大部份都會包括沙津菜，除左影相時會靚好多之外，重點係可以食多啲菜，其他串燒店一定冇菜。睇得出老闆真係好用心經營。會再幫襯一定係因為老闆好人，用心經營，親切招待，重點係食物高質但價錢唔貴！多多支持小店！＜必食推介>焦糖燒菠蘿$28依個焦糖燒菠蘿勁好食，食完一個再叫多一個食！推介大家一定要試下，之前係其他餐廳食既焦糖燒菠蘿都會有一大塊焦糖係面頭包住個菠蘿，食到痴晒牙，但依到既焦糖係少量但好足夠，食落碎焦糖位份係脆卜卜架！菠蘿粒粒都厚肉勁甜勁juicy，真係食到停唔到口，要再叫多
餐廳裝潢使用日式風格，店鋪空間唔算大，但枱與枱之間都有空間距離，唔會同隔離枱好貼近，可以同三五知己傾計都唔怕隔離枱聽到或者太大聲。
老闆親自負責樓面、十分親切招呼客人，係到未開始食飯已經好舒服。選擇好食咩只需影QR Code落單，十分方便。老闆親切介紹依家做緊優惠：啤酒買一送一。落完單之後，老闆熱情地為我地送上蕃茄做前菜，蕃茄配上柚子汁，小小酸味真係幾開胃。老闆好醒目咁問我地需唔需要先送上一杯啤酒，留返第二杯之後上，串物都好快陸續送上。加分位係，燒物上碟時大部份都會包括沙津菜，除左影相時會靚好多之外，重點係可以食多啲菜，其他串燒店一定冇菜。睇得出老闆真係好用心經營。會再幫襯一定係因為老闆好人，用心經營，親切招待，重點係食物高質但價錢唔貴！多多支持小店！
＜必食推介>焦糖燒菠蘿$28
依個焦糖燒菠蘿勁好食，食完一個再叫多一個食！推介大家一定要試下，之前係其他餐廳食既焦糖燒菠蘿都會有一大塊焦糖係面頭包住個菠蘿，食到痴晒牙，但依到既焦糖係少量但好足夠，食落碎焦糖位份係脆卜卜架！菠蘿粒粒都厚肉勁甜勁juicy，真係食到停唔到口，要再叫多一份！一試難忘呀！擺盤上菜都切到好靚。
焦糖燒菠蘿
$28
2 views
0 likes
0 comments
＜必食推介>安格斯肥牛湯烏冬$78
一大碗熱辣辣既湯烏冬配上安格斯肥牛，肥牛切到好薄，每塊都半生熟，唔會全熟先上菜，湯烏冬湯底都算清味道唔會過濃。烏冬好分量好多，再配埋串物食真係食唔晒啲烏冬。
安格斯肥牛湯烏冬
$78
1 views
0 likes
0 comments
＜必食推介>炸墨魚咀$36 ＆ 吉列炸生蠔(2件)$36
同樣都係炸物，可以一齊上碟， 炸物新鮮炸起，呈金黃色唔會炸到燶左，炸粉唔厚，炸到脆卜卜但墨魚咀同生蠔依然好juicy同好有咬口。分量多，2個人share食岩岩好。
炸墨魚咀$36 ＆ 吉列炸生蠔(2件)$36
0 views
0 likes
0 comments
燒茄子串$18
茄子大大塊，有２塊成一串，擦上燒烤汁再加上木魚，茄子燒到爽口唔會過分淋晒。
燒茄子
$18
1 views
0 likes
0 comments
厚燒牛舌$48
名副其實既＂厚＂燒，一碟有5塊，每件都切到好厚，牛舌肉質軟淋入晒味。
厚燒牛舌
$48
1 views
0 likes
0 comments
露荀豚肉串$28
露荀好爽脆，食落有燒烤香味，豚肉好透薄。
日本雞腎$28 & 日本雞心$24
雞腎有咬口，size都算大粒，唔似得出面食既淨係七味粉
📍串本屋
🔎油麻地渡船角文蔚街5號文苑樓地下A號舖
Post
