鮨鶴日本料理 (Closed)

聽朋友講過呢間日本料理非常高質，但就一直未有機會試。前幾日見lunch time時間充裕，就同朋友約埋去試一試，果然非常唔錯!lunch嘅menu都幾豊富，我地就揀左刺身定食同自選四色井。前菜已經非常豐富，特別值得一讚嘅係佢個蒸蛋，入面材料非常豐富，有雞肉、鳴門卷、本菇、白果等，口感非常嫩滑，好多水份，就好似食緊布甸咁。刺身定食亦非常令人滿意，有牡丹蝦、海膽、真木鯛、帶子、拖羅同油甘魚，由淡到濃咁食起，魚生整體黎講都非常新鮮，味道唔錯。四色魚生飯更係非常令人滿意，我地揀左甜蝦、鮪魚蓉、季節魚同蝶魚邊。特別鍾意佢個甘善鯛，師傅將魚嘅外層燒至微熟，食落既有燒物嘅焦香，亦保留到魚生本身嘅滑嫩口感同鮮味。魚生飯係用赤醋飯製成。呢度嘅面鼓湯亦非常值得一讚，湯入面加左蝦頭、魚肉等嘅材料，大大咁增加左湯嘅鮮美，飲落完全冇味精味，非常高質。最後嘅餐後甜點係豆腐味嘅雪糕，食落唔會太甜，清涼同入口即溶嘅口感起左非常好嘅 消滯作用。整體黎講價錢雖然唔算平，但食物嘅質素絕對對得起價錢，朋友果然冇介紹錯