金子半之助 (荃灣廣場)

Open Now

Now Closed

琴日行街嗰陣突然間想食日本料理，所以就同朋友去咗金子半之助食天婦羅。入邊有好多唔同種類嘅天婦羅丼，仲有唔同嘅小食，選擇非常豐富。我同朋友就嗌咗一個江戶前天丼同埋迷你丼&稻庭烏冬。江戶前天丼＄138呢一個丼有好多唔同種類嘅天婦羅，例如鰻魚、蝦、魷魚、溫泉蛋同埋蔬菜等等，好大碗同好足料。全部天婦羅都炸到好酥脆，鰻魚好大條而且肉質嫩滑，蝦同魷魚肉質彈牙同埋味道鮮甜，再加上醬汁令到天婦羅嘅味道提升，配飯食都好夾。除咗天婦羅飯，仲有一個麵豉湯同埋有蘿蔔、生薑等等嘅配料，可以清新口腔，非常貼心。迷你丼＆稻庭烏冬＄118迷你丼我哋揀咗牡蠣天丼，入邊亦都有好多天婦羅，除咗有蠔，仲有好多唔同嘅蔬菜例如菇菌、南瓜等等。天婦羅一樣都好脆同熱，而且炸皮薄身，唔會食到好濟。牡蠣味道濃郁，菇菌亦都好juicy。稻庭烏冬（冷）烏冬比較幼身，質地好滑同彈牙，隔離有個汁可以自己再加Wasabi同洋蔥絲落去調味，然後將烏冬點落去食，烏冬會有一陣甜味亦有Wasabi清新嘅味道，而且會更加濕潤，係非常好嘅配搭。飲品放題飲品放題有三款飲品可以自由選擇。西柚烏龍茶茶味比較濃，但係有少少西遊嘅甜味同埋香咪，比較清新。芒果鮮果綠茶芒