Video
Read full review
2023-01-22
22 views
今次介紹位於銅鑼灣嘅《花貝日本料理》，主打日式定食同埋刺身壽司。門口就有私人日式和室包廂，行到入去就有壽司bar枱，充滿空間感同埋舒適。午市套餐都好多選擇，我今次就唔想食生冰野，所以就揀左日式定食。和牛扒照燒定食 $488依個套餐首先會送上前菜，蘿蔔、蒜粒、牛蒡，我自己就最鍾意蘿蔔，食落好清甜爽口。跟住就到左茶碗蒸嘅時間，佢地嘅茶碗蒸食落好滑，唔會水份太多，蛋味又香濃，值得一讚。繼續就有味噌湯，鹽度適中，飲完成個身都暖哂。終於到主菜嘅時間，和牛扒預先已經切成一片片，牛扒中間心呈粉紅色，熟度就啱啱好。食落牛脂味都幾濃厚，牛肉味亦都重，口感軟腍又入口即溶。牛扒仲配上燒肉醬、炸蒜片同埋沙律菜，多種食法由你決定。我自己就最鍾意同珍珠米一齊食，飯粒吸引啲牛肉嘅肉汁，好惹味呀。好嘅一齊一定唔少得甜品，是日甜品係豆腐味雪糕，香濃又幼滑嘅豆味真係甜度適中又美味。花貝日本料理 (銅鑼灣)銅鑼灣開平道1號CUBUS 6樓
午市套餐都好多選擇，我今次就唔想食生冰野，所以就揀左日式定食。
和牛扒照燒定食 $488
依個套餐首先會送上前菜，蘿蔔、蒜粒、牛蒡，我自己就最鍾意蘿蔔，食落好清甜爽口。
跟住就到左茶碗蒸嘅時間，佢地嘅茶碗蒸食落好滑，唔會水份太多，蛋味又香濃，值得一讚。繼續就有味噌湯，鹽度適中，飲完成個身都暖哂。
終於到主菜嘅時間，和牛扒預先已經切成一片片，牛扒中間心呈粉紅色，熟度就啱啱好。食落牛脂味都幾濃厚，牛肉味亦都重，口感軟腍又入口即溶。牛扒仲配上燒肉醬、炸蒜片同埋沙律菜，多種食法由你決定。我自己就最鍾意同珍珠米一齊食，飯粒吸引啲牛肉嘅肉汁，好惹味呀。
好嘅一齊一定唔少得甜品，是日甜品係豆腐味雪糕，香濃又幼滑嘅豆味真係甜度適中又美味。
花貝日本料理 (銅鑼灣)
銅鑼灣開平道1號CUBUS 6樓
Post
