Akoya

Open Now

Now Closed

星期五晚happy friday梗係要食好d😗😗 同朋友係尖沙咀行完街後搵左間日本居酒屋🏮好似有日本feel又唔算太貴，一於試一試🥰先點左特製雜錦沙津~ 係唔知有咩材料既情況底下都幾驚喜🥰 有好多款食材，有鱈魚乾、荷蘭豆、車厘茄、粟米芯、溫泉蛋、紅椒、黃椒等。鱈魚乾脆卜卜，全部蔬菜都好新鮮爽甜，配埋柚子汁更加開胃😛明太子煎蛋卷～ 好厚好濃蛋味既蛋，明太子簡直係滿瀉，超誇張😍豚軟骨蔥鹽汁燒~ 豬軟骨味道不錯，不過肉身不夠軟淋，不過不失啦。最驚喜既係海膽汁燒蠔❤️ 上枱喳喳聲又超香，見到已經流口水🤤每隻蠔都好肥美，味道濃郁又完全無腥味， 表面仲要燒得香脆，配上海膽汁一齊食，正正正！另外仲點左炭火燒拼盆，有六串，分別有露筍、豚肉五毛腩肉、雞頸 、鵪春蛋 、自家製免治雞肉串同雞翼 ，另外配上隻生雞蛋。雞翼燒得外脆內軟，厚切豚肉五毛腩一d都唔肥膩，最中二係自家製免治雞肉串，吃前再蘸上蛋汁更有風味。最後驚唔夠飽仲點左明太子牛油燒飯團🤣🤣🤣 飯團烤得好有水準，外層脆卜卜好似食緊飯焦咁，配上明太子更加惹味可口。