沃川自家料理

Open Now

Now Closed

喜愛日式料理的老友，趁放假日便相約我到位於#尖沙咀，#南洋中心 的#沃川自家料理，食番個美味日本菜。坐低店員會送上前菜，咁就慢慢食住點菜囉😉。沃川刺身拼盤（特上），刺身望落色澤鮮明，就知佢哋好新鮮😚。鮮甜爽滑有活赤背、油甘魚、帶子、三文魚籽同膠質感重的牡丹蝦，口感新鮮的吞拿魚，八瓜魚，入口creamy甘香嘅北海道海膽，款款新鮮有水準，超級讚啊。炸河蝦、沙追魚天婦羅同粟米天婦羅，炸得香脆不油膩, 點埋附上嘅醬汁，更加惹味很不錯。燒牛小排，餐廳用上蝴蝶腩部位，故重牛味肉汁豐富，熟度剛好不會太生或過熟，很有咀嚼感。清酒煮蜆，蜆肉粒粒鮮甜冇沙，湯清甜又有酒香，很快就比我地飲晒😝。海膽濃湯松葉蟹稻庭烏冬，內有鮮味的大蜆同松葉蟹脚，重點係個湯，飲落濃稠度剛好，非常之濃郁，烏冬麵🍜索盡湯汁，滑身有咬口，熱辣辣飲完成身暖笠笠。