Video
Read full review
2021-09-26
1461 views
居素屋係日式素食餐廳，日式素食比較少見，覺得幾特別就試下😂次次我都係lunch 食既，夜晚未試過但見到野食款式會多d。鋪頭有個日本人係度(唔知係唔係老闆)，會好好禮貌咁用英文介紹d野食，服務好好👍🏻豐食午餐 ($188)(兩前菜+壽司+燒物+主食+甜品)壽司5件素壽司入面我覺得最好食係紅白果兩件，紅色係紅椒，個樣整到幾似赤身😂面頭有輕輕燒過下，紅椒食落係超甜同多汁。白色係菇黎，同樣鮮甜多汁，菇味都濃，我估係扮鰻魚，因為又係有紫菜同埋燒汁🤣其他三件係麵豉茄子，粟米軍艦同素卷，味道就正常啦，冇咩特別燒物豆腐外皮燒得幾乾身，入面嫩滑重豆味，幾好食，另一樣腐皮金針菇卷就普普通通呢個set既壽司同燒物有d好食有d普通，我覺得下面個set比較抵食輕怡午餐 ($98)(三前菜+主食+甜品)前菜前菜就幾多選擇既，有八款可以簡同有時會轉下款式，蕃茄腐皮同高野豆腐我就次次都會食，腐皮係超好食，又甜又淋滑同埋豆味好濃，腐皮個豆味入哂個蕃茄，令個蕃茄都好好食，我連個汁都飲哂😋高野豆腐好似一舊海綿咁，一咬落去就爆哂d好甜既湯汁，好好食。另外清湯大根、蕃薯天婦羅、牛油果沙律都正既。主食青檸冷湯素麵 (+$10)湯
豐食午餐 ($188)(兩前菜+壽司+燒物+主食+甜品)
壽司
5件素壽司入面我覺得最好食係紅白果兩件，紅色係紅椒，個樣整到幾似赤身😂面頭有輕輕燒過下，紅椒食落係超甜同多汁。白色係菇黎，同樣鮮甜多汁，菇味都濃，我估係扮鰻魚，因為又係有紫菜同埋燒汁🤣其他三件係麵豉茄子，粟米軍艦同素卷，味道就正常啦，冇咩特別
60 views
0 likes
0 comments
燒物
豆腐外皮燒得幾乾身，入面嫩滑重豆味，幾好食，另一樣腐皮金針菇卷就普普通通
49 views
0 likes
0 comments
呢個set既壽司同燒物有d好食有d普通，我覺得下面個set比較抵食
輕怡午餐 ($98)(三前菜+主食+甜品)
前菜
前菜就幾多選擇既，有八款可以簡同有時會轉下款式，蕃茄腐皮同高野豆腐我就次次都會食，腐皮係超好食，又甜又淋滑同埋豆味好濃，腐皮個豆味入哂個蕃茄，令個蕃茄都好好食，我連個汁都飲哂😋高野豆腐好似一舊海綿咁，一咬落去就爆哂d好甜既湯汁，好好食。另外清湯大根、蕃薯天婦羅、牛油果沙律都正既。
54 views
1 likes
0 comments
主食
青檸冷湯素麵 (+$10)
湯底大約係日式鰹魚高湯既味，但應該唔會落鰹魚整既，好清好甜同埋凍湯飲落好舒服😝素麵幼身，口感都滑，吸哂d湯好好食。
56 views
1 likes
0 comments
有次我同個fd都係食緊呢個麵，有個店員就過黎問我地識唔識擰青檸，我個fd話唔識，佢就用筷子穿過哂d青檸再扭哂d汁落佢碗麵到。我個fd一飲就話好酸😂😂😂得返青檸味🙈所以個店員之後行過黎我就話自己擰，青檸汁同個湯係好夾，但榨盡就一定破壞哂個湯既平衡，所以最好都係拒絕佢，自己擰😂
43 views
0 likes
0 comments
最後甜品個紅豆大福幾好食既，呢間餐廳d野食睇落簡單，但用既食材好高質，煮既方法都好突顯到食材既鮮味，如果想食下素既話可以試下呢間日式素食餐廳😝
環境: 8/10
味道: 8/10
性價比: 8/10
Post
