Hungry Monkey (海之戀商場) (Closed)

忌廉蟹肉薯餅喱個忌廉蟹肉薯餅一入口有好香忌廉味，而薯餅炸好又唔會凍晒，上到枱仲脆既。佢炸粉又唔會好多好厚，個可樂餅都唔錯。加拿大龍蝦配他他醬喱個龍蝦有啲驚喜，佢個龍蝦好多膏，上面有啲籽，睇落去都十分美味。另外佢隻龍蝦都比較屬於多肉，美中不足呢就係佢無夾爆個殼舊野，令拆佢個龍蝦鉗有啲吃力。安格斯牛扒喱個牛扒黎到我心諗嘩咁生，不過食落好有牛味。佢切到好有心思，每舊都有啲肥有啲肉咁。加埋個醬，蔥同炸蒜提升返佢個味。同埋原來咁生都可以咁好食，脂肪都有好濃既牛味。朱古力炸彈喱個都十分有趣，我睇佢成粒金莎咁。一食落去都幾特別，一咬穿佢就流晒啲朱古力醬出黎，仲要暖暖地，好似食緊心太軟咁，真係值得一試。環境佢裝修都好有日式風味，同埋啲黑板佢有畫啲猩猩係度，都得意。仲有吧枱位坐，可以睇到師傅炒野咁。