武士料理

Open Now

Now Closed

去元朗探朋友，晚餐去附近新開小店武士日本料理， 餐廳細細，但裝潢好有日本特色。 刺身仲要係日本新鮮直運。一坐底會先遞上味噌湯 ，熱辣辣，飲完好開胃。武士之魂刺身盛呢個盛合係呢道既必點菜，擺盤好靚，刺身又夠哂厚同新鮮，非常吸晴。有齊活赤貝、帶子、真鯛、紋甲魷魚、牡丹蝦、中拖羅、大拖羅、海膽。 再加碗角切三文魚三文魚籽飯。超級豐富。活赤貝 ，非常爽口。紋甲魷魚紋甲魷魚口感好特別，食落鮮味十足，爽口彈牙。帶子 大大隻，非常鮮甜真鯛，清淡甜美帶點細膩既油脂香味，加上肉質鮮嫩， 好好味。牡丹蝦加多左$48多一隻， 蝦勁大隻，蝦肉鮮甜爽彈，超新鮮，蝦頭既膏都好香濃，勁正。海胆口感幼滑，帶甘甜香味，非常高質。而中拖膽大拖真係極力推介， 2款都係入口即化既感覺，魚油味好香好濃郁，超正👍🏻👍🏻迷你丼飯三文魚籽同三文魚呢個配搭無得輸， 份量滿滿， 好滋味。另外叫左d串燒， 全部即叫即整，新鮮熱辣，串燒外層燒至焦香，吃起來口感香脆，而燒雞翼外脆內嫩，好惹味。