Akoya

Open Now

Now Closed

呢間係朋友book嘅餐廳，佢都係聽人講啲野幾好食，所以約我一齊去食。一入到去，店員就好好招呼，態度親切，又指示個人物品可以放係凳底。坐底之後就叫左海膽汁燒蠔、6串串燒組合、明太子飯團、大蝦沙律、甜薯，仲有焦糖布甸&雪糕🍮 呢幾樣入邊我最鍾意嘅係海膽汁燒蠔，因為個海膽汁非常之濃郁，而海膽汁底下燒蠔煮得啱啱好熟，同海膽汁好夾。串燒組合係可以試到唔同嘅款式，燒得好香。食嘅時候可以先試下唔點蛋汁，再試下點蛋汁2種食法。但係6串入邊有一串係雞翼，好難同人share，我自己就放棄左冇食到，比個friend食，佢都話唔錯。明太子飯團、大蝦沙律&甜薯，都好食嘅，但冇海膽汁燒蠔同埋串燒咁突出😋 布甸嘅焦糖味好香，焦香到我以為係燶咗，其實沒有。