花貝日本料理 (Closed)

今日慶祝升職，我地去左銅鑼灣一間好精緻嘅日本料理食晚飯，叫做花貝日本料理，食物好高質，值得一記。去到大堂首先見到全層都係非常之日式嘅裝修，睇嚟大堂嗰度係包廂房，有種和室嘅設計，聽到有人喺入邊高聲唱飲，好有氣氛。我哋入到餐廳之後，呢度環境唔錯，見到師傅喺度料理食物，我哋今晚決定散叫。我哋首先叫咗個冷盤，係凍日本蕃茄配柚子汁。蕃茄平時好少就咁一個生嘢咁既樣食，但係日本蕃茄係唔同啲！識落非常清甜，配上柚子汁，非常清新，非常開胃，好味。之後我哋叫咗個薄切深海池魚刺身，呢一味菜真係好睇到師傅嘅刀工！每一片薄得來都有口感！而且擺盤非常靚，睇得出條魚非常新鮮，非常好味，而且份量好多，食極都有，超滿足。然後係小食，鱈魚棒，食落有啲似芝士餅，但係有鱈魚嘅香味！鬆脆得來唔會覺得熱氣。之後就到西京燒銀鱈魚。份量好多！有兩大個魚扒，燒得好香，個皮脆得來唔會太燶，食到魚皮嘅香，啲魚好滑好新鮮，口感好立體，調味亦都好惹味。之後我哋要做一個土瓶海鮮湯，呢一味菜對我哋來講都幾新鮮，係用一個茶壺到啲湯出嚟，茶壺入邊嘅湯係有海鮮熬製而成，啲湯飲落去鮮甜可口，飲完之後當然要食埋入邊既湯料啦！最後我哋以泡芙甜品作結。味蕾享受