花木日本料理 (Closed)

週日放假梗係同屋企人食餐好，好耐冇食日本料理，就去尖沙咀天文台道的花木，食餐高級日本菜。餐廳裝潢好高級，好似去咗日本嘅高級日本餐廳。服務都好好，店員有禮貌，會介紹每一道菜式。第一道菜原條池魚，最令我印象深刻。池魚新鮮，油份高，點酸酸味味嘅醋汁，入口嫩滑鮮味，而且擺盤極吸睛。第二度係燒活帆立貝，帆立貝兩食，可以生食又可以燒熟，牛油味香濃。明太子燒飯團脆卜卜，而土佐豆腐外脆內嫩。野菜鍋健康清新，有多款蔬菜，娃娃菜，菠菜，南瓜蘿蔔及鮮冬菇等，好Green.