Video
Read full review
2021-02-26
117 views
• 鱈魚白子 $78據聞冬季白子當造，所以點左一份試試。白子即鱈魚既精巢，講到依度或者好多人都會抗拒，但係唔試又點知好唔好食喎😤一客兩件既白子配上日式酸汁，口感好creamy，味道濃厚獨特，一試難忘😳• 日本馬糞海膽 $388見到座海膽山內心異常興奮，海膽可以話係小肥妹最鐘意食既刺身，但係依樣野好食可以好好食，難食可以好難食，有時覺得自己係搵命搏🤣好彩依度啲海膽真係勁鮮甜勁好食，每一塊都好分明好firm唔會溶哂一patpat😋自己整海膽熱狗好滿足😍• 原條秋刀魚刺身 $188捉緊食秋刀魚既尾巴！秋刀魚熟食個人不太鐘意，咁刺身又點睇？首先佢連埋骨上就知道真係即叫即劏冇得呃既，秋刀魚本身係會有少少腥味，所以會附上薑蓉同蔥去辟腥，感覺少少中式好有趣，不過始終岩岩過咗秋刀魚最肥美既階段，如果早返一個月黎食，個油脂感應該會再豐厚啲🤔食完之後店員幫我地拎左條魚骨去炸，脆到可以整條魚骨都食埋，送酒一流🍻• 活北寄貝刺身 $258貝類都係小肥妹既最愛💛熟食同生食既北寄貝完全係截然不同嘅體驗，生食當然係鮮甜爽口彈牙得多啦，可惜一隻既肉量真係有啲少，唔夠喉呀😢• 黑松露鵝肝反卷 $82依個反卷帶俾我地少少
據聞冬季白子當造，所以點左一份試試。白子即鱈魚既精巢，講到依度或者好多人都會抗拒，但係唔試又點知好唔好食喎😤一客兩件既白子配上日式酸汁，口感好creamy，味道濃厚獨特，一試難忘😳
• 日本馬糞海膽 $388
見到座海膽山內心異常興奮，海膽可以話係小肥妹最鐘意食既刺身，但係依樣野好食可以好好食，難食可以好難食，有時覺得自己係搵命搏🤣好彩依度啲海膽真係勁鮮甜勁好食，每一塊都好分明好firm唔會溶哂一patpat😋自己整海膽熱狗好滿足😍
• 原條秋刀魚刺身 $188
捉緊食秋刀魚既尾巴！秋刀魚熟食個人不太鐘意，咁刺身又點睇？首先佢連埋骨上就知道真係即叫即劏冇得呃既，秋刀魚本身係會有少少腥味，所以會附上薑蓉同蔥去辟腥，感覺少少中式好有趣，不過始終岩岩過咗秋刀魚最肥美既階段，如果早返一個月黎食，個油脂感應該會再豐厚啲🤔食完之後店員幫我地拎左條魚骨去炸，脆到可以整條魚骨都食埋，送酒一流🍻
• 活北寄貝刺身 $258
貝類都係小肥妹既最愛💛熟食同生食既北寄貝完全係截然不同嘅體驗，生食當然係鮮甜爽口彈牙得多啦，可惜一隻既肉量真係有啲少，唔夠喉呀😢
• 黑松露鵝肝反卷 $82
依個反卷帶俾我地少少衝擊🤭一擺入口先食到外面層飯咁都冇乜特別咁，之後咬下咬下中間舊鵝肝同細蔥既香味突然之間爆發出黎，係一場暗湧，係好鮮明既反差，好有驚喜🤯
• 辣酒煮廣島蠔 $78
食咗咁多凍野，又係時候食返啲熱野暖下個胃😳廣島蠔有六粒，有啲大隻啲有啲就細隻啲，不過細既都唔會細隻得好誇張🙌🏻湯底雖然嚐不出酒味，但係飲落好舒服，亦滲出淡淡既甜味，好想知道落咗啲咩去熬依個湯😯另外配菜仲有蘿蔔，煮得軟淋但冇就咩味道😗
• 吞拿魚丼定食 $198
集合左赤身、中拖羅、大拖羅同吞拿魚蓉既丼飯，對比先前既幾道菜式，依個丼都幾令我地失望☹️數片刺身不算新鮮，尤其重點既大拖羅，中心有好大條筋，完全影響口感😣
好開心附近又多一間高質鮨店，不過價錢偏貴少少，唔可以成日食😝
Post