嵐橋日本料理

Open Now

Now Closed

Item: 嵐橋日本料理
Rating: 5
Author: BlancheLeung

4.5

267 Reviews

Taste

Decor

Service

Hygiene

Value

11483

Tsim Sha Tsui

$201-400

Japanese

253

BlancheLeung

Level4

334

世界級超新鮮隱秘日本料理🏮<刺身篇>尖沙咀棉登徑一向多高質日本野今次去嵐橋日本料理食好野隔離就係丼飯專門店💁🏻‍♀️食物質素幾乎有去左日本既感覺🇯🇵知道呢到既刺身係不時不食既我地叫左四款刺身係每一樣都好有驚喜🤤睇相都知新鮮更加係食過返尋味😋.🎈北海道原隻海膽 ($168)香港人就最中意食海膽仲要係原隻上證明真係好新鮮😍海膽肉味道清甜口感軟滑細緻因為係原粒上絕對唔會有個種幫海膽保質既化學味因為加左三文魚籽多左一種係口入邊爆汁既口感實在係好滿足😋.🎈六片鮮八爪魚刺身 ($138)店員話八爪魚係活既食落果然非同凡響非常爽口唔韌但又唔會冇哂水份師傅微微燒過表面增加焦香感之餘仲有一陣咸香重點係個八爪魚吸管爽到接近脆口既程度完勝坊間所有八爪魚刺身🐙.🎈兩切鯖 ($98)係今期先有得食嘅當造鮮魚🐟食過鯖魚都知呢款同秋刀魚非常相似嘅魚時不時都會帶點腥味呢件鯖魚唔單只唔一d都唔腥而且仲好肥美燒過後更加係逼左鯖魚嘅油份出嚟加埋本身鯖魚自身帶既金屬味非常醒胃.🎈兩切金目鯛刺身 ($118)金目鯛可以話係omakase最常見嘅魚類除左價錢貴之外係因為金目鯛

Read full review

世界級超新鮮隱秘日本料理🏮

<刺身篇>

尖沙咀棉登徑一向多高質日本野
今次去嵐橋日本料理食好野隔離就係丼飯專門店💁🏻‍♀️
食物質素幾乎有去左日本既感覺🇯🇵
知道呢到既刺身係不時不食既

我地叫左四款刺身係每一樣都好有驚喜🤤
睇相都知新鮮更加係食過返尋味😋
.

🎈北海道原隻海膽 ($168)
香港人就最中意食海膽仲要係原隻上證明真係好新鮮😍
海膽肉味道清甜口感軟滑細緻
因為係原粒上絕對唔會有個種幫海膽保質既化學味
因為加左三文魚籽多左一種係口入邊爆汁既口感實在係好滿足😋
.

🎈六片鮮八爪魚刺身 ($138)
店員話八爪魚係活既食落果然非同凡響
非常爽口唔韌但又唔會冇哂水份
師傅微微燒過表面增加焦香感之餘仲有一陣咸香
重點係個八爪魚吸管爽到接近脆口既程度
完勝坊間所有八爪魚刺身🐙
.

🎈兩切鯖 ($98)
係今期先有得食嘅當造鮮魚🐟
食過鯖魚都知呢款同秋刀魚非常相似嘅魚時不時都會帶點腥味
呢件鯖魚唔單只唔一d都唔腥而且仲好肥美

燒過後更加係逼左鯖魚嘅油份出嚟
加埋本身鯖魚自身帶既金屬味非常醒胃
.

🎈兩切金目鯛刺身 ($118)
金目鯛可以話係omakase最常見嘅魚類
除左價錢貴之外係因為金目鯛口感肥而不膩
兩塊厚切大大片面頭灸燒過迫出魚油香
咬起黎皮爽肉彈仲有一陣陣魚鮮味
直正做到魚味鮮又肥而不膩🤤
.

🎈左口魚壽司 ($56/2)
左口魚係白身魚魚味較淡
但上面既少少薑蓉同蔥花剛剛好帶出魚鮮味
重點係壽司飯握得剛好🤲 唔會太硬太散
壽司飯仲添加左赤醋真係做到omakase 既水平
.
🎈赤身 ($84/2)
吞拿魚味非常突出真係好新鮮👏
魚肉軟滑冇筋而且魚生厚度十足

.
<熟食篇>
日本料理又點少得熟食
熟食選擇真係好多串燒炸物天婦羅湯麵通通都有
.

🎈安格斯牛柳粒串燒 ($68)
睇賣相都知火候把握剛剛好外層焦脆入面粉嫩🤤
牛柳入口軟冧冇根而且燒汁味道濃郁
加埋芝麻粒就更加香口非常推薦👏
.
🎈燒雞皮串燒 ($36)
試過好多地方既燒雞皮d師傅都唔夠耐性燒得唔夠通透
呢度嘅火喉就剛剛好迫哂d肥油出黎😋
非常香脆而且仲有啖啖雞油香送酒一流👏
.
🎈鹿兒島黑豚五花腩串燒 ($38)
脆瘦相間簡單既鹽調味已經可以令豬油同焦香感結合😋
再加少少檸檬汁就會清新d
.