白鮨 (林肯大廈) (Closed)

原本打算到附近Cafe食個Brunch Hea下，但Cafe開12點，等極都未到12點見到有呢間餐廳，即刻Openrice下，見到Menu幾吸引又有lunch set就入左去。原來Lunch Time都要book位。帶位哥哥見我地冇book都比左張枱我地，但要一點交枱。-入到去幾大間，好多位。除咗梳化亦有Bar枱。因為附近office lunch time時間，人愈黎愈多，有點嘈但可接受。略嫌枱同枱之間距離有點近。值得一提係侍應主動加水唔洗成日叫。-碎蔥呑拿魚腩飯定食好新鮮，食落唔腥雖然望落好似好細份，但夠飽。定食有跟醃漬小物及湯。不過自己唔太喜歡側邊的沙律菜。咖哩吉列豬扒飯定食另外朋友叫咗咖哩吉列豬。開頭見佢叫普通野有啲呆😂比咁貴食過周圍都有得食嘅咖哩飯🍛點知食落唔錯！吉列豬扒好脆，一直出煙架！份量夠多，原來個碟好深！食極都有。咖哩係好正宗日本咖哩，咖哩嘅料都好夠，有薯仔有蘿白。同樣定食有好多配菜及漬物。-其實另外有叫荔枝蜂蜜薄荷綠茶，但飲哂唔記得影。夠清新又消濟。侍應主動加茶其實唔需要叫野飲都得。好滿足的一餐Lunch, 雖然價錢貴但服務、食物質素及份量十分值得！