秋田浜燒食堂

Open Now

Now Closed

朋友話要帶我去食好嘢，今日專程去尖沙咀秋田浜燒食堂食日本菜，店舖裝修都好有日本feel，雖然唔能夠去日本旅行，但係食日本菜都可以當自己去咗日本😂今日主打食海鮮、刺身。餐前小食賣相十分吸引，和風盒子裏面是一口牛，肉質嫩滑，配上蒜頭醬汁更香更好味，煙燻雞肉卷皮光肉滑夠精緻。頭盤季節沙律，清新健康又開胃。接着是我最喜歡的刺身，肥美的三文魚、吞拿魚、油甘魚、赤蝦鮮味十足，配上一點點Wasabi那種口感的刺激，令人回味無窮。之後仲有每人一隻肥美的生蠔，非常大隻，朋友明明食緊刺身，但一見到佢最愛的生蠔即刻流晒口水，非常鮮甜，檸檬汁都冇落。值得一提食之前有一個遊戲玩，就是一手可以拿多少隻蝦，套餐入面就會多幾隻蝦食😂啱晒，我最鍾意食赤蝦! 之後當然是最期待的主菜，南非鮑魚未燒之前都非常生猛，仲有北海道帆立貝，即燒另有一番風味，另外北寄貝加入牛油清酒一起燒，個汁好好味一定要飲埋佢。蟹味噌甲羅燒，蟹膏蟹肉味道非常濃郁，配上香脆的法包一起食，絕配。最後來的甜品也是一個驚喜，簡簡單單的杏仁豆腐，豆腐好滑，杏仁味濃，真係想食多一碗。