Video
Read full review
2016-12-08
200 views
樓下開左間don don tei一直好想試，今日朋友就心思思咁話「不如試下啦」！店內環境好大，乾淨企理，好光猛，柔光既燈光令我覺得好舒服。同朋友坐低左，已經即刻有職員serve，好好態度，仲同我地介紹有咩好食tim，好驚喜呀，估唔到依家仲有咁好既服務！飲品叫左熱既「蘋果梅子茶」，又暖又開胃，加埋爽脆既蘋果粒，好好飲。由於我地太肚餓既關係，我地叫左好多野食！首先叫左個「五式刺身拼盤」。份量都足夠，二人份量，一人一舊，好抵食！三文魚好新鮮啊，應該係三文魚腩黎，又唔會好肥膩，好鮮甜！而三文魚籽包埋紫菜食，好爽口，好新鮮！帶子仲有啲入口即融既感覺，仲有吞拿魚同油甘魚都好鮮美。之後叫左個「天婦羅拼盤」，我好鍾意食天婦羅架。先食左天婦羅海鮮，職員仲推介我地試下點海鹽，會引到海鮮既鮮味出黎，炸粉好簿，海蝦肉好鮮味。而蠔係令我地十分驚喜，真係好好食，新鮮又肥美，蠔汁仲bit哂出黎，而海鰻好滑，口感好細膩，估唔到夾海鹽係咁出色，職員話呢個係日本人普遍嘅食法啊！日本番薯同南瓜天婦羅都好甜：）叫左個「梅子火鍋」，個鍋一嚟到，見到咁多隻長腳蟹腳，又係令我哋大分驚喜！個鍋有帆立貝、蜆肉、長腳蟹，湯底係松葉蟹海鮮
店內環境好大，乾淨企理，好光猛，柔光既燈光令我覺得好舒服。同朋友坐低左，已經即刻有職員serve，好好態度，仲同我地介紹有咩好食tim，好驚喜呀，估唔到依家仲有咁好既服務！
飲品叫左熱既「蘋果梅子茶」，又暖又開胃，加埋爽脆既蘋果粒，好好飲。
由於我地太肚餓既關係，我地叫左好多野食！首先叫左個「五式刺身拼盤」。份量都足夠，二人份量，一人一舊，好抵食！三文魚好新鮮啊，應該係三文魚腩黎，又唔會好肥膩，好鮮甜！而三文魚籽包埋紫菜食，好爽口，好新鮮！帶子仲有啲入口即融既感覺，仲有吞拿魚同油甘魚都好鮮美。
之後叫左個「天婦羅拼盤」，我好鍾意食天婦羅架。先食左天婦羅海鮮，職員仲推介我地試下點海鹽，會引到海鮮既鮮味出黎，炸粉好簿，海蝦肉好鮮味。而蠔係令我地十分驚喜，真係好好食，新鮮又肥美，蠔汁仲bit哂出黎，而海鰻好滑，口感好細膩，估唔到夾海鹽係咁出色，職員話呢個係日本人普遍嘅食法啊！日本番薯同南瓜天婦羅都好甜：）
叫左個「梅子火鍋」，個鍋一嚟到，見到咁多隻長腳蟹腳，又係令我哋大分驚喜！個鍋有帆立貝、蜆肉、長腳蟹，湯底係松葉蟹海鮮湯底，充滿住海鮮既鮮味，令到其他配菜好鮮味。職員仲好貼心提供埋較剪俾我哋，我哋小心翼翼咁剪開啲蟹腳，好大舊蟹肉啊，仲好鮮美，好正，同fd忍唔住好快就食哂個鍋喇，好推介，咁既質素，價錢仲要唔算貴呀！
之後食左個「苦瓜豚肉釜飯」，苦瓜唔苦，煮到果種回甘味出黎，豚肉就煮得硬左少少，加埋少少飯焦食，好溫暖既感覺。
最後叫左個甜品食，「布甸芝士蛋糕」，出乎意料地好食！有焦糖係表面，好甜，加埋好smooth and soft既cheese，職員強調要雪到好凍即刻食，令個cake口感極濃郁，好似食緊特濃既cheese cake咁，好正呀，雖然細細個，但份量係岩岩好，再食多啲就會太膩喇。
整體上黎講，都係十分出色，野食質量好，份量足，環境舒服，職員態度好，抵讚！Post
