海街丼 (海光街) (Moved) New Location

住鰂魚涌嘅朋友推介嘅日式小店，入面裝修超有日本居海屋feel，佈置有心思，放咗唔少植物響各座位中間，增加私隱度，感覺舒適。刺生兩點（$110） - 包括赤身、帶子刺身，兩款都好新鮮，赤身厚切，帶子大大粒，入口鮮甜。燒鰻魚飯 （$160）- 鰻魚極之大，亦好厚身，分量比坊間其他餐廳嘅多。鰻魚燒得好香，質素高，呢個價錢絕對超值。豚肉生姜飯（$130）- 簡單一個豚肉飯亦整得好味，豚肉嘅分量十足，加埋流心蛋，仲有炒香咗嘅洋蔥，成個飯味道好好。