Feather & Bone

Open Now

Now Closed

通常黎呢度都係食晚餐，今日早起試下個早餐先。雖然用餐可以選擇室內或室外，天氣咁熱，都係舒舒服服係室內涼下冷氣算了。今次決定試下呢兩個早餐：Smashed AVO & White Egg Omelette等左差不多30分鐘，終於有得食，個人覺得係因為要等埋個white egg omelette先一齊上餐，所以咁耐。做底層既麵包，烘過，有脆口感覺，中間一層滿滿的牛油果，唔會整到爛哂，有一粒大一粒細既咬口感覺，再加上小蘿蔔片同烤種子放上面，一口咬落去，有硬有脆又有冧既幾款口感，好複雜啊呢個omelette其實應該改名叫pizza，同某某pizza店既細批差不多大小同厚度，上面鋪滿火箭菜、蕃茄仔、紫洋蔥同埋好多香料，配合下層係厚厚的蛋白，無得輸，不過，一個人食3/4個omelette都已經飽了。真心後悔叫左個炸薯餅，諗住試下，可惜唔夠脆身，M記好味好多，下次可以唔使再試。食物就無乜野可以挑剔，唯有上餐速度有待改善，希望下次唔使等30分鐘。