Feather & Bone

Open Now

Now Closed

今天，朋友遠度前來荃灣，約我哋一齊食飯，專登選擇一處坐得好舒服的餐廳。我哋坐低傾左10多分鐘，服務員從不催促我哋點餐；之後用餐超過兩小時，同樣是不停幫我哋添水，餐廳環境又舒適，是非常適合聚會的好地點。因掛住傾偈，唔記得影吃的主菜🫣平日有午市套餐，有$158/$188/$208，前菜三選一（蕃茄芝士烤酸種麵包/雜菜沙律/蕃茄濃湯配蒜蓉法包），很多款主菜選擇，包飲品一杯（凍檸檬茶/茶/可樂/咖啡/青檸梳打），主菜我哋選擇了炸魚薯條及羊肉餡餅：🌼 炸魚薯條$188黑線鱈魚炸得好香脆，薯條就一般🌼 牧羊人羊肉餡餅$188羊肉餡餅面頭鋪滿了薯蓉，羊肉好酥🌼 Tiramisu$48 Family style- 店員不了一大舊Tiramisu，基本上足夠二人享用，好好味😋🌼Flat white 咖啡好飲😋

可惜點餐困難，佢講中文佢話唔識，一定要我用英文同佢溝通，如果你喺外國，係冇問題，但係你嚟當地做生意，呢啲算係咩堅持？一個唔識都唔緊要，佢再搵一個過嚟服務，都係唔識，都係要我用英文同佢講嘢 。今時今日唔通我唔識講英文好大問題唔配嚟幫襯？一間舖頭你唔係應該要最少搵一個可以服務到當地人嘅服務員嘅咩，都唔要求多 。使用英文服務係咪代表會高級啲？比完錢之後都係唔開心嘅，唔會再去 。因為今時今日同樣性價比同樣好食嘅舖頭仲有好多，我可以唔打呢段嘢，但我覺得真係好無謂 。

5/10/2024(六)同朋友相約到荃灣海之戀Lunch。行到厘間時，本身以為係雜貨凍肉店，入到去原來係扒房餐廳嚟，好有驚喜，於是book定中午時間及要指定座位。有室內及户外，而户外有木鞦韆，幾特別，亦可望到海景，環境唔錯。因天氣仲有啲熱，所以揀左室內梳化位置，亦有bar枱，每張椅都有咭的，好舒服餐牌:經典牛扒配薯條$328叫左well down,切到中心位都唔硬綠葉沙律$68清新，翠綠，健康之選

同屋企人食飯， 梗係要揀間好嘅餐廳， 喺海之戀有間個樣都幾高級嘅西餐廳， 個樣都幾吸引， 就入咗去。 餐廳環境好舒服， 好有格調， 枱放得好闊落， 店員態度都好親切， 係一間好識合慶祝嘅餐廳，氣氛相當好 呢間餐廳食物種類好多， 主打有牛排，可以係櫃枱揀你想要既部位同份量，，岩哂有要求既你😉 另外，餐廳仲有好多西餐既選擇，我地就揀左幾樣，有沙律， 白酒煮青口。份量都好多，好清新， 青口好新鮮， 好滿足。 主角牛排都唔錯， 五成熟， 煎得好粉嫩，食完好想再叫多一份。 總括來說， 想食餐優質既西餐同chill 下，可以揀呢間咁有氣氛既餐廳!

今日黎海之戀，行下街，諗緊睇下有咩食。經過見到Feather and Bone, 就諗住咁耐冇食, 就試下。個內室環境都唔錯, 幾星期日幾Chill 下。好，個差評係比食物既。真係好普通，什至難食服務同埋環境都滿意。野食就真係差叫左三個Lunch 1） 簿切牛扒。味道十分中規中矩，冇乜投訴，但差唔多接近二百蚊, 牛扒好細塊, 又冇包又冇湯又冇side, 咁就唔超值啦2） 肉醬粗管長通粉個味道又好正常，但係個通粉好硬，麵粉好似未煮熟咁，好難咬。另外，份量好細碟。見到廚師其實都係喺個真空袋度到，將啲一早煮好嘅肉醬直接倒出嚟，其實都冇乜廚藝可言，竟然連通粉都煮得咁硬3） pizza最難食喺呢樣。pizza上面嘅蕃茄醬同芝士勁多但係勁稀勁水。食每一啖都好似將啲好水既茄醬同芝士倒入個口度。

朋友生日，選擇左Feather & Bone食Lunch，第3次嚟用餐，每次由入店開始，侍應招待有禮貌，廚房出品食物擺設出來專業，見到上台的食物好吸引，炸大啡菇好香脆，凱撒雞肉沙律好大碟足夠3-4人享用，調味幾好味，薄Pizza又脆又正，今日仲試左個威靈頓牛肉，外脆，入邊牛肉好淋，包住牛肉周邊用左菇和Parma Ham幾特別，侍應嘅服務好好，環境幾有西方餐廳味道，亦可以選擇坐室外，但天氣太熱，今次我哋坐左係室內梳化凳，幾舒服，仲有咕𠱸俾你墊腰，不錯，幾貼心餐廳，值得推介出來！

路過一食，結果踩正地雷……Burger盛惠198，質素就背道而馳，價格非常高昂但仲衰過麥記，整個包入口嘅心得只有--乾！勁乾！面包本身好乾，塊patty毫無油水，一丁點都冇，全冇牛味，絞肉肉眼可見全部大塊精瘦肉，口感極糙！完全唔係patty口感，又冇調味，整體似食嚿膠咁，芝士份量品質俱不足，完全食唔出咁滯，似有似無，洋蔥又係生無法似焦糖洋蔥咁潤下嚿包，醬係現成mayonnaise又完全無調和過，又係俾極其少，又係食唔出，得塊bacon好但係又俾得少簡直杯水車薪，成個包又冇味！又乾！差啲卡住吞唔落，仲收咁嘅價錢？！就連薯條都可以難食真係不得了，外皮唔脆，入面嘅芯唔係澱質口感，係好似蘋果泥嘅口感，毫無薯味，貴過麥記幾倍仲不如麥記，店家真係反省下。

聽過Feather & Bone很多遍，但這也是我首次在2024年7月28日體驗。今次二人同行，不過點的食物比較多。餐廳於晚市也比較旺，本身安排了高桌的位置，但我認為鋸牛扒不太方便，則選了戶外的位置的位。雖然是夏天，但戶外有不少風扇，感覺也很涼快。芝士火腿拼盤🧀前菜的種類很多，有各類芝士、水果、熟食冷肉、乾果、麵包。雖然有不少火腿，不過是比較早成的風乾火腿，三文魚和火腿酸性比較高，不過青提沒有核。對於芝士、火腿要求不會很高的食客，則會覺得合適。牧羊人羊肉餡餅🐐 ［推薦]這道菜很有驚喜，採用了澳洲免治羊肉、配了洋蔥汁，酸酸甜甜，表面更有薯蓉和芝士，味道十分相配，旁邊的甘筍仔也鮮甜無比。西班牙肉眼扒🇪🇸在肉櫃自己選購，侍應比較推介這種牛扒，剛好有八折優惠。點了一份400克的，廚師更會幫忙切件，進食時更加方便。五成熟的牛扒烤得剛好，也帶有炭燒的味道。可是配的青椒汁，味道不太鮮明，期望更濃烈的味道。芝士通心粉🍝這個通心粉不會太乾，濕潤度剛好。表層的烤芝士香脆，內層有拉絲的效果，挺不錯。炭烤西蘭花苗🥦烤過的西蘭花爽脆，也不會太乾身，有杏仁片。唯一缺點是比較鹹。很欣賞菜式都是一齊遞上，適合愛打卡的

星期二，T Bone 半價，所以都幾多人，訂好枱，獲通知2個小時要交枱。在肉枱自選了半價 Grass fed T Bone(1kg)及 Dry aged grass fef t bone(0.55kg)熟成扒,3人食。女店長介绍很詳细，服務100分。但二件牛扒一齊上，食到尾巳經凍了。 Dry aged grass fef t bone熟成牛，無得輸了。Grass fed T Bone 就差好多了，肉味無得同熟成比，件扒很多筋，要用鋼牙先得。餐酒買一送一又幾低飲下。牛扒配菜自選沙律+68元，流到不得了(大家樂级)，+10都俾多。另一个配多個芝士薯條，上枱已经淋晒的薯條。做配菜個廚師可以換得。happy hour先會再來。

I recently tried the fish and chips at this establishment, but unfortunately, it fell short of my expectations. The fish was noticeably overcooked, resulting in a dry and less enjoyable texture. The coating on the fish had a tendency to detach from the fish itself, which was quite disappointing. Additionally, there was a slight fishy taste that lingered, which further detracted from the overall experience. I was hoping for a moist and flaky texture, but it didn't quite deliver. Despite the disap

服務好好👍🏻侍應對小朋友很貼心，主動同我仔仔傾計，仲俾圖畫紙和筆我仔仔填顏色。肉醬長通粉好味，有咬口，味道都唔錯。牛肉三文治肉質及肉味都不俗。Tiramisu 好味creamy，餅的咖啡味夠濃夠濕，而且仲有雲喱拿籽。Flat white,我老公話唔夠Cafe好飲，不過呢間餐廳本身又唔係專注做咖啡，所以都算係咁。埋單後仲會俾將9折coupon 可以買餐廳內既零售食材。我老公最鍾意買茄汁和意粉醬，佢鍾意味道夠酸。因為係星期六日，所以只可以單點。如果星期六日都有午餐食就抵食好多。

服務員團隊服務態度很差勁!當客人透明! 向waitress揚手佢立刻望向別處扮睇唔到! 只好提高聲線叫"excuse me" 才避無可避地前來接待!食物很鹹! Cream spinach 似綠色的中式菜乾,超,超乾及鹹! 海鮮還可以! Order 了一個bread n butter 甜品等了差不多45分鐘,在recheck order的情況下才奉上,no apologies at all !收費與服務及食物水準落差很大！所坐位置天花有滴水情況! Management 要多加留意!

Feather and Bone 係我同屋企人好鍾意去嘅餐廳😽我哋今次夜晚去坐露天嘅位置一啲都唔熱 餐廳有足夠嘅風扇~又可以感受吓海風~今次我哋叫左Beef Wellington 同T-Bone~咁啱嗰日T-bone仲有特價真係超級抵食👍🏻 Medium非常好一啲都唔硬超好咬口~Beef Wellington 亦都超級重牛味~另外都叫咗mushroom risotto 一個黑松露蘑菇味好重 不過可以多少少鹽😛😛呢一間非常之推介大家去🫶🏻

好朋友升識請我哋嚟食飯我哋選擇咗露天座天氣好 陣陣海風非常舒服食物okay我哋點咗3塊steaksalad薯條德國腸等等環境一流當晚有live band主動問我哋想點咩歌唱得非常好超高質！

今日係第一日海陸空餐開始, 我和老公非常滿意， 海鮮新鮮份量非常足夠，有長腳蟹，帶子，青口， 蝦， 三文魚…這個價錢能夠有和牛加海鮮已經冇得輸， 加上粗粗的薯條係任食， 最重要服務非常滿意， 全場抵有3至4位waiter and waitress， 幾位都超勤力冇停過，尤其是香港馬尾的小女孩有貼心服務， 可愛又乖，辛苦你們，期待下次再來， 星期四這個海陸空餐非常抵食，希望keep住…^￠^