Video
Read full review
2019-10-05
718 views
呢排受到運動影響，香港旅遊業好景不常，唔少酒店都開始要減價促銷。就喺我睇緊相關資料嘅時候，就見到尖東珀薈酒店嘅客房好平，而且入面原來仲有間可以望到維港景嘅西餐廳😮。Uptop Bistro and Bar位於酒店嘅高層，擁有落地玻璃，可以俯瞰五光十色嘅維多利亞港嘅夜景；上多一層就係空中觀景台，可以嗌小食嘢飲慢慢chill🥰以前完全唔會留意呢啲酒店餐廳，因為覺得好貴，但呢到又唔算貴喎，set dinner每位四百蚊，同出面嘅高級少少嘅西餐廳差唔多，但仲要有景睇喎！😚（不過樓底較矮，空間感可能冇咁高）佢哋仲好癲咁星期五六日同假期前夕嘅晚市時段做八折優惠😂😂（透過openrice訂枱）而家佢哋做緊個「熱情西班牙」主題，$398有五道菜，courses走西班牙style🇪🇸，質素仲非常高👍另外加$198仲有wine pairing，可以加配三杯餐酒，抵到爛呀🤪入座後就serve麵包，麵包有兩款，略嫌唔夠熱（又或者我影相影得太耐哈哈😝）。值得一提嘅係後面黑色嗰個橄欖醬，搽落麵包度一齊食好夾👍「熱情西班牙」主題晚餐（$398）“Pasión Española” Set Dinner ($398)-
Uptop Bistro and Bar位於酒店嘅高層，擁有落地玻璃，可以俯瞰五光十色嘅維多利亞港嘅夜景；上多一層就係空中觀景台，可以嗌小食嘢飲慢慢chill🥰以前完全唔會留意呢啲酒店餐廳，因為覺得好貴，但呢到又唔算貴喎，set dinner每位四百蚊，同出面嘅高級少少嘅西餐廳差唔多，但仲要有景睇喎！😚
（不過樓底較矮，空間感可能冇咁高）
佢哋仲好癲咁星期五六日同假期前夕嘅晚市時段做八折優惠😂😂（透過openrice訂枱）
而家佢哋做緊個「熱情西班牙」主題，$398有五道菜，courses走西班牙style🇪🇸，質素仲非常高👍
Wine pairing
$198
23 views
0 likes
0 comments
入座後就serve麵包，麵包有兩款，略嫌唔夠熱（又或者我影相影得太耐哈哈😝）。值得一提嘅係後面黑色嗰個橄欖醬，搽落麵包度一齊食好夾👍
「熱情西班牙」主題晚餐（$398）“Pasión Española” Set Dinner ($398)
- #1 Starter -
西班牙黑毛豬風乾火腿Spanish Iberico Ham - 21 Months
火腿風乾咗21個月，充滿咸香又唔會好油同好硬。配上黑醋沙律，幾開胃嘅一道前菜。
- #2 Soup -
加利西亞雜菜湯Caldo Gallego
Caldo Gallego係加利西亞嘅傳統湯水，材料有生菜同其他蔬菜、薯仔、白腰豆，仲有啲肉粒，幾特別嘅菜湯🥬
煙番茄忌廉湯配脆風乾火腿Smoked tomato cream soup w/ crispy prosciutto
番茄味夠濃🍅，酸味同忌廉味都出，湯嘅質地夠濃稠綿密。側邊嘅風乾火腿好脆好鹹，配住湯咁食就最啱喇。
- #3 Middle Course -
香煎蟹餅配熱情果蛋黃醬Pan-fried crab cake w/ passion fruit mayonnaise
蟹餅真係真材實料用蟹肉做🦀，成舊都係豐富蟹肉😦⋯
唔小心仲咬到蟹殼添，做法不完美，但可接受，要改善😗，至少證明真材實料😌
- #4 Main Course -
主菜有五個選擇，可以加$68揀西班牙海鮮飯/肉眼扒，我哋就冇加錢～
西班牙焗龍脷柳配蒜片蝦Baked Spanish style sole fillet w/ garlic shrimps
焗龍脷柳非常滑，蒜片蝦夠彈牙、蒜蓉味重😛，兩者配埋個汁都好好食。
烤伊比利亞豬架Grilled Iberico pork rack w/ chorizo, cannellini bean & bell pepper
切嘅時候覺得有啲難切，心諗一定會好韌，點知就唔係喎！入口軟腍，充滿豐富肉汁，而且仲好有豬味添🥰
- #5 Dessert -
Deep fried churro w/ dark chocolate sauce & dark chocolate ice cream
16 views
0 likes
0 comments
西班牙炸油條配黑朱古力醬及黑朱古力雪糕Deep fried churro w/ dark chocolate sauce & dark chocolate ice cream
呢個好食到嫌佢唔夠呀，起碼整多幾條先吖！😫
Churros炸得外脆內軟，灑上糖粉。配上黑朱古力醬同黑朱古力雪糕，個雪糕唔知係咩牌子呢，好濃朱古力味🍫，超級好食🤤
鮮莓窩夫配雜莓乳酪雪糕Fresh berries waffle w/ mixed berries frozen yogurt
窩夫偏硬身，如果再空氣感重啲會更好😚側邊伴有幾粒新鮮雜莓🍓
唔講都唔知嗰球係froyo嚟，食落好似雪糕，雜莓味重，好鍾意！
- Coffee or Tea -
我哋兩個都嗌咗茶☕️，而茶都有多款選擇，例如Earl Grey/English Breakfast Tea等等，不錯😙
食完，就攞埋杯酒上樓上，望住個維港景嘆，真係好正☺️總括嚟講，價錢幾抵，嘢食份量啱啱好；再加上有景睇，又有個類似skybar嘅空中花園，寧靜舒服，perfecto 👌
-
Menu:
Post
