夢樂園 (Closed)

家鄉黑毛豬肉燥拌稻庭烏冬$72 碗烏冬一嚟到就即刻見到好有台灣特色。首先隻碗好靚有民族pattern 係上面、好大碗同埋加咗好多蔥花。黑毛豬肉燥係偏多水，冇打芡嗰隻。大家食嘅時候記住要撈勻啲汁同埋將先食，因為啲汁喺底。最底嗰一層係啲汁，中間係烏冬，上邊係肉操然後先再係蔥花。肉燥裏面加咗啲蔥油，所以隻嘅時候好香，而且稻庭烏冬都唔會好dry。花枝丸 （跟餐加$6）花枝丸炸得啱啱好，冇overcook到，花枝丸仲係有鎖住啲juice。個size 都係啱啱好mouth bite，食得好舒服。 紅豆冰 （跟餐加$6）紅豆冰要推介比大家飲。佢好大杯，而且勁cute 咁上面有一隻貓爪。貓爪係用豆漿整，然後上邊啲肉球就係用紅豆粒整。超得意！大家一定要叫黎影相！佢同出面嘅紅豆冰唔一樣因為佢用咗豆奶黎整。佢紅豆冰啲紅豆蓉同埋紅豆粒都係自家製架！平時啲紅豆冰都會偏甜但係呢一隻因為用豆奶同埋自家製嘅紅豆蓉整所以唔係好甜。大家都唔使擔心佢等咗好耐啲冰融左紅豆冰就會稀，因為佢啲冰就係用豆漿黎整，唔係水。所以大家可以放心咁樣傾偈同埋玩貓。