鱷魚泰國餐廳 (Closed)

青木瓜沙律 $58食泰菜，餐前必食青木瓜沙律開下胃。入面有生蝦、青木瓜、紅蘿蔔同花生碎，味道夠酸夠辣，比一般食開嘅惹味👍🏻，水準幾高。冬蔭公湯 (小) ($78)份量比想像中細，撈起兩隻大頭蝦之後已經無咩湯飲😂，不過味道都唔錯嘅，香茅同南姜味好香，辣度適中，如果再酸少少會更好。豬肉碎生菜包 ($68)揀左豬肉碎黎配生菜包，加入左切碎嘅豆角同洋蔥，食落好爽，整體調味偏鹹，包住生菜黎食就岩岩好。泰式海南雞 ($108)雞皮好爽口，雞嘅脂肪唔多，食落唔會有油膩嘅感覺，雞肉嘅部分好嫩滑，雞味都幾鮮，唔會有雪藏雞嘅感覺。不過個醬汁味道就普普通通，無咩特別，都係一般酸酸甜甜嘅汁，如果味道再豐富啲就更好。