蠔灣 (Moved) New Location

朋友好鍾意食海鮮，今晚就帶左我來呢間專食生蠔同海鮮刺身嘅Oyster Cove食晚飯。我地除了食呢度出名嘅生蠔同刺身外，仲點左其他菜式，發覺呢間餐廳除左刺身質素高外，連其他菜式都好有驚喜！海鮮拼盤賣相精美，每一件都排列得好整齊！呢間餐廳嘅生蠔都係來自法國，而且種類好多。而呢個刺身拼盤嘅生蠔，我地就簡左Honey Point,Lambert,Majestic,Le Perle Noire,Gillardeau,Belon。全都味道鮮甜，沒有腥味，口感爽滑！！其他刺身有龍蝦刺身、帶子、海膽、北海道扇貝、北海道赤貝，全部都份量足料又新鮮，質素好高！而且食嘅時候，店員都會親自來同我地講解每種生蠔同刺身嘅特點同食法，態度好好！鵝肝多士鵝肝足料厚身，而且煎得非常香，入口即融，油膩感不重，配以鬆脆嘅多士，好食！龍蝦湯過往飲過嘅龍蝦湯都偏向稠身，喝完會比較飽膩。但呢度嘅龍蝦湯很特別，能夠做到質感不稠，卻味道依然濃郁！燴龍蝦意粉意粉並非普通扁意粉，而係特別用菠菜製成。幾塊龍蝦肉都好厚，肉質非常軟滑，龍蝦嘅鮮味亦被保留，沒有被醬汁所蓋過。意粉醬味道調得好好食，當中混合了魚子，質感都好Creamy。