雄館特式小廚 (Closed)

啲海鮮全部都好新鮮好鮮甜。鹽焗蟹蟹味好夠，鹹味又適中，好多蟹膏添！唯一不足係啲鮑魚好似醃多咗啲蠔油味，食落有啲奇怪，又蓋住了鮑魚原本鮮味，但肉質非常煙韌。牛面頰用紅酒與醬汁炆得好入味好林，質地又似牛筋又似牛展。食落會有啲黏口的感覺，肉汁豐富。鹽焗清遠雞要早一日訂，因為餐廳話係本地活雞。又滑而且一啲都唔肥膩。非常推薦！餐廳環境行大眾化路線，雖然裝修不起眼，個場比較細，但平日晚市都會坐滿，可見食品質素有返咁上下先會客似雲來。服務員態度非常好，又主動。