串燒殿 (Closed)

做完一輪野辛苦完，想同朋友輕鬆吓，就決定食串燒飲吓嘢，輕鬆一陣。今次揀咗喺尖沙咀嘅串燒殿，佢比較上有少少似港式同川式，口味重啲豐富啲，啱晒我。麻辣鴨血粉絲湯、錫紙燒蒜蓉花甲兩味都用錫紙兜上，粉絲好入味，鴨血煙韌，麻辣味十足。花甲無沙同新鮮。芝士燒茄子茄子成條上，唔係普通蒜蓉燒，而係加左芝士超級邪惡，鍾意芝士嘅一定要叫。燒粟米、燒韭菜、燒雞翼、燒金菇肥牛卷叫咗啲四款串燒，蔬菜類燒得好有水準，唔會冇晒啲水份。雞翼同金菇肥牛卷都啱啱好，雞翼入面充滿肉汁。原隻風味燒魷魚魷魚成隻上，而家又大隻又新鮮，加埋勁蒜蓉，超級好食。