陳儀興飯店 (嘉悅)

Open Now

Now Closed

要係香港搵潮州打冷都唔係一件容易既事，所以好開心近屋企果頭搵到依間「陳儀興飯店」，睇介紹原來佢地既總店係新蒲崗已經開咗50幾年，所以相信應該都會唔錯。7點幾黎到已經坐無虛席，要等一陣先有位，但坐得都幾闊落幾舒服下。今次兩個人食，叫左3樣野食再加燉湯已經飽到連甜品都食唔落😆 燉湯雖然要$68一位，但用料十足，有一半都係湯渣，湯味都非常之濃，所以貴少少都抵俾。食潮州野一定唔少得滷水鵝同埋蠔餅，滷水鵝肉夠厚，唔會剩係得骨，肉質都非常嫩口，滷水汁送飯一流。蠔餅個人就覺得可以再多少少蠔仔少返少少粉就perfect，但用既蠔仔都非常鮮味👍🏻最後都要同大家推介返避風塘炒蜆，初初叫既時候都驚會好細份，但上碟見到都幾豐富，中意食辣既朋友仔唔可以錯過，因為辣度似食緊平時川菜既麻辣加左炸蒜香味。