胡爐 (Closed)

打邊爐就啱哂我，因為可以每樣食少少，湪下嘢戈時又可以傾下計。今次就試下中式設計嘅《胡爐》，位於尖沙咀厚福街，地點就已經好方便。設計用左好多中式雕花紅木做屏風，好有心思。胡爐醉八鮮鍋我見好多人都叫依款打卡，所以我都唔執輸。八鮮鍋好易理解就係八款海鮮，分別有主打嘅龍蝦、鮑魚、青口、蜆、魷魚、東風螺、花膠、魚翅。最特別就係店員會倒入料酒再點火，火燒八鮮鍋真係好有驚喜。湯底食落其實酒味唔會好多，相反就係海鮮嘅清甜味。完隻龍蝦咁煮，可以拆開啲肉嚟食，都幾新鮮彈牙。胡爐牛拼盤牛一定係我打邊爐嘅必備肉類。咁佢依款就有齊極上手切牛頸脊、牛胸爽、霜降牛粒、牛舌芯、安格斯手切肥牛。我自己就鍾意肉味濃嘅手切牛頸脊同埋牛脂味重嘅安格斯手切肥牛。餃子拼盤有4款餃子，最特別一定要數黑松露餃、魚皮餃、鮮蝦雲吞。薄都幾薄，濃味就要試黑松露餃，香氣四散。鮮甜就要食鮮蝦雲吞。丸類拼盤有5款丸類，最特別一定要數墨魚丸、蝦丸、牛骨牛汁丸同埋黑松露墨魚丸。同出邊唔一樣，佢哋每一款都係手打，所以好彈牙呀。