火薈中日火鍋

Open Now

Now Closed

今晚逛花街時，多口問聲花店老闆附近有乜好食，老闆推薦咗呢間火薈中日火鍋。點咗個鮑魚龍蝦套餐，有1隻龍蝦、蟶子、海中蝦、花甲、2隻大連鮑魚、蔬菜籃、稻庭烏冬、安格斯牛肉、響鈴同手打三寶丸。老闆真系好介紹，火薈啲嘢真係幾得。龍蝦同海蝦上枱時仲系鮮活嘅，蟶子、鮑魚同蜆都好新鮮，簡單灼一灼就好好味。配埋番茄薯仔嘅湯底，真係好滑嫩香甜。響鈴係即炸，會跟個酸甜醬汁，我哋試咗當小食咁即食同配火鍋，都好好味。佢哋1份有4件，剛剛好。火薈嘅好多野都係自家製，勁like 佢個雪梨水，打邊爐飲呢個雪凍咗雪梨水，好解渴又好滋潤。呢個套餐六百幾蚊超抵食，我哋仲另外叫咗2杯椰子雪芭，用個椰殼裝住好特別，椰味好濃郁，份量幾大杯。除咗大廳，火薈仲有獨立房同卡位，好適合公司聚會同三五知己。