阿里山台式美人鍋 (Closed)

湯底揀左桃膠美人鍋同酸菜白肉鍋，覺得係一個幾適合既配搭。美人鍋入面有半隻烏雞，份量真係好多。味道非常鮮甜，飲落好滋潤。建議大家要飲多幾啖湯，同埋快啲食雞肉。酸菜白肉鍋可以免費追加酸菜白肉一客，湯底幾酸好開胃，白肉有少少酒味。安格斯肉眼肥牛: 牛味都幾濃，肉質有咬口，性價比高。叫左兩款海鮮，有蘇格蘭聖子同南海貴妃蚌，兩款都幾鮮甜，唔會有腥味。特別中意聖子，大隻彈牙，吸到湯既味道。鵝肝墨魚丸: 墨魚丸好彈牙，鵝肝味道唔係太食到。薯粉: 係好煙韌嗰款粗薯粉，同兩個湯底既味道都好夾，但個人會中意放係酸菜鍋。生菜: 菜類係必定要放係美人鍋，吸哂湯汁好好味。整體食物質素好，價錢合理。