云手工火鍋店

Open Now

Now Closed

前排天氣太凍，朋友想食火鍋做生日飯，湯底要左招牌火焰三椰雞，職員即場用火焰燒熟d雞，原個椰子🥥倒入鍋，用椰子水煮熟雞，雞肉嫩滑之剩，吸收哂椰子既鮮味。自家製黃金炸魚皮邪惡之選，即刻炸起，非常香口，又可以點火鍋椰子湯食。自家製紫菜響鈴都係即炸，中間夾住紫菜，口感較坊間特別。招牌牛肉拼盤一次過試齊多款牛肉，其中有本地手切牛、安格斯牛肉、牛舌、牛柳粒、牛胸爽、牛心椗等等。牛肉新鮮高質，牛心椗口感脆身；本地手切牛牛味濃郁，非常高質。自家黑松露蟹肉餃、韓式泡菜牛肉餃自家黑松露蟹肉餃一定要試，充滿住鮮味，餃子皮好薄，韓式泡菜牛肉餃創新之選，好特別。手打鹹蛋黃蝦丸、香煎鵝肝墨魚丸除咗餃子類特別，丸類都好特別，推介2款 - 手打鹹蛋黃蝦丸同埋香煎鵝肝墨魚丸，丸咬落去好爽口，餡料流心，超好食。