火鳳凰火鍋料理 (Closed)

今日同朋友去打邊爐慶祝佢生日，咁高興就梗係要食吓好嘢啦，我哋點咗老闆推薦嘅餐廳最受歡迎嘅「豪華必選套餐」，高質又抵食！😆首先，上枱嘅係一大盤嘅象拔蚌，刺身用超多冰鎮住，所以非常新鮮，咬落去chokchok聲好爽。🐟之後，上枱嘅係安格斯牛肩胛，肉質又嫩滑，肥瘦適中，牛味又夠濃，啱晒打邊爐嘅極品牛肉。🥩呢度嘅湯底有沙嗲、蕃茄等，而我哋就點咗較滋潤嘅湯底，就係椰子雞煲，上枱嘅時候竟然係一個椰青咁上，倒新鮮嘅椰青水落個煲度，超有心思，唔怪得飲落去咁清甜，煮耐咗之後仲突顯左雞嘅鮮味，雞肉嫩，椰子肉好多。🥥如果你係丸類控，就一定要點呢個黑松露墨魚丸，口感彈牙十足，而且入邊粒粒墨魚肉，伴隨嘅黑松露香氣，另外，蟹籽鮮蝦滑都非常推薦，蝦滑入口好滑好彈，而蟹籽充滿鮮味。🦐呢間打邊爐餐廳真係驚喜連連，環境舒適，食材新鮮，不單止味道出色，價錢亦相當親民，而且老闆親切熱情，下次一定會帶埋朋友聚會再嚟！👍🍲