牛站(駅)麻辣火鍋放題

Open Now

Now Closed

打邊爐，第一時間會諗起 CP 值高嘅牛站。餐廳座位超寬敞坐得舒適。依舊揀咗 SRF 美國極黑和牛套餐$298/位 (120分鐘任食)牛站耐不耐就會推出新湯底，今期新推出花膠雞鍋底，好正。。有新湯底，當然要試下～ 湯底有花膠、鮮雞、紅棗、龍眼、杞子、粟米、紅蘿蔔等，夠晒養生。花膠份量幾多，鮮雞好滑，湯底味道鮮甜。醬料區有成十多款配料，任君選擇。美國極黑和牛入口肉質好嫰腍，濃厚肉香，肉汁豐富，因為SRF和牛比一般和牛多四倍榖飼時間，所以肉質同肉汁多遠超其他和牛。美國牛肩胛片對比SRF和牛，則完全相反，肉質較為結實有彈性，咬落有口感。熱食方面，好多炸物：油炸鬼、午餐肉、炸魚皮。仲有麻辣小龍蝦、台南滷肉飯。燒乳鴿皇充滿油香，咬落皮脆肉嫩。大量火鍋配料選擇。蔬菜方面，不得不讚呢度連羽衣甘藍、豆苗、冰菜、水蓮都有得食，呢啲貴價菜，出面放題好少會見到有。海鮮方面，都有好多選擇。我哋點咗沙白、青口、海蝦、帶子。海蝦彈牙，沙白今次就一般，食到有啲沙。飲品方面，除咗一般汽水、冷泡茶、仲有自家制珍珠奶茶。自家制珍珠奶茶唔太甜，唔錯。呢度仲有梅酒、清酒、白酒、燒酒都係任飲。甜品方面：有豆腐花、乳酪、芋圓、多款