胡爐 (Closed)

今次又同朋友打邊爐了，黎到故爐呢間高質火鍋放題。我地先揀左胡爐雞煲，係食雞之前先上左個麵包蟹。麵包蟹好大隻，啖啖肉又多蟹膏，好鮮味。之後就去食下煲裡面嘅雞肉，入味，肉質嫩滑，有少少麻，辣度適中。食完啲雞就開波，店員比左時令海鮮拼盤，胡爐拼盤，手工丸餃拼盤，基本上佢比呢round嘅野已經好夠食，雖然之後可以手機掃QR code點餐，但實際都點左幾次之後就夠哂皮。時令海鮮拼盤真係屈機，有鮑魚，蜆，帶子，蝦等等，都好新鮮嘅。而手工丸餃拼盤就出面買唔到嘅，只係呢間獨有自家製作，始終handmade野係正啲。故爐拼盤簡直係肉類嘅盛宴，肉全部都係肉，高質靚肉啦起碼係。呢個性價比高嘅火鍋放題確實令人回味，下次揀第隻煲底試下先得。