打邊爐

Open Now

Now Closed

對香港人黎講，一年四季都要打邊爐，就算今日三十幾度都唔列外。今日我地黎到佐敦打邊爐。店舗位置距離佐敦地鐵站大概5分鐘路程,近住柯士甸同尖沙咀，十分方便。點完餐後，店員捧奉上調味料，我地按自己喜好調味。我地嗌左小食墨魚滑油炸鬼配蟹籽，即叫即炸，外皮炸到好脆，入面就爽口彈牙，非常值得一試！我地揀左鴛鴦湯底（藥膳醉雞鍋及招牌清湯鍋）藥膳醉雞鍋非常足料，湯味濃郁，打邊爐前記得飲下佢嘅湯。至於打邊爐材料要提提鋪頭自家制既芹菜帶子餃，裏面有原粒帶子，夾雜在芹菜的新香，餡料十足。而另一樣就係咸蛋黃蝦滑，咬開蝦滑，咸蛋黃汁流出口腔，蝦肉啖啖咸蛋黃味，必食之選！ 另外我地仲叫左廣島蠔，好鮮甜而且冇腥味，滚完無咩縮水，口感豐滿！配埋肥牛同西班牙黑毛豬就冇得輸。總結，呢一餐唔算豐富，但就十分滿足。絕對值得同家人朋友一起試。