鼎尚棋哥燒鵝湯館 (Closed)

棋哥燒鵝都本身都已經係名店，都聽過D燒味係幾高水準，食材係靚貨，而且製作都唔會粗製濫造。呢間係棋哥燒味加埋鼎爺燉湯，提供2款名物嘅套餐，有機會都要試下。戲曲中心地方又唔算好遠，柯士甸站或者佐敦站都去到。第一次去戲曲中心就周圍行睇下，跟住入去食燒味。餐廳裝修都好有特色，以60-70年代嘅裝飾做主題。點咗雙拼飯食，因為頭先周圍行時買咗嘢飲，所以飲唔到燉湯啦。燒鵝非常鮮嫩多汁，燒鵝皮脆卜卜，一咬充滿油香。鵝肉帶有煙燻味道，真係會想追住食。燒腩仔個皮好脆，肥瘦相間唔會淨係得肥膏，一啖一粒又點會唔好味。