Video
Read full review
2019-09-16
131 views
今日同朋友係旺角一帶行街，行完就上左呢間係地鐵站隔離既越南餐廳食飯。主食方面我哋叫左越式咖哩牛腩鍋配印度薄餅同香茅燒烏頭。小食就有煙三文魚米紙卷。首先黎左小食米紙卷。米紙外皮晶瑩剔透，代表米紙做得厚度適中，唔會過厚令人食得唔舒適。米紙卷外層薄而不失煙靭，口感一流。內裏餡料份量十足，有粉絲，生菜同埋最重要嘅煙三文魚。煙三文魚煙燻味十足，加上其他蔬菜以及米紙卷上嘅花生碎同蘿蔔絲，味道清新香口，口感亦好好。加上左酸辣汁之後，微酸嘅醬汁更突顯米紙卷嘅清新芳香。咖哩牛腩鍋原本已配有法包或印度薄餅，我哋再令外叫左絲苗白飯黎配咖哩。咖哩鍋有明火不斷加熱，令咖哩全程都香噴噴。咖哩鍋嘅料都非常豐富，除左好多牛腩同牛筋外，仲有青椒，洋蔥同炸薯仔。咖哩香料味十足，而且仲有椰香味，好惹味，配上熱騰騰嘅印度薄餅或者白飯，十分好食。牛腩牛味好夠，肉亦都好冧，牛筋更加係軟硬適中，一咬落去牛味散發至成個口都係。炸薯仔係咖哩鍋有驚喜嘅部分，外皮炸到金黃香脆，入面就冧得啱啱好，吸收埋咖哩香，味道一流。香茅燒烏頭超級好食，可以用呢個價錢食到咁高質嘅燒烏頭魚實屬難得。首先佢嘅外皮望落燒得好焦脆乾身。一切開塊魚皮，望到入面魚肉
今日同朋友係旺角一帶行街，行完就上左呢間係地鐵站隔離既越南餐廳食飯。主食方面我哋叫左越式咖哩牛腩鍋配印度薄餅同香茅燒烏頭。小食就有煙三文魚米紙卷。
煙三文魚米紙卷
$42
10 views
0 likes
0 comments
首先黎左小食米紙卷。米紙外皮晶瑩剔透，代表米紙做得厚度適中，唔會過厚令人食得唔舒適。米紙卷外層薄而不失煙靭，口感一流。內裏餡料份量十足，有粉絲，生菜同埋最重要嘅煙三文魚。煙三文魚煙燻味十足，加上其他蔬菜以及米紙卷上嘅花生碎同蘿蔔絲，味道清新香口，口感亦好好。加上左酸辣汁之後，微酸嘅醬汁更突顯米紙卷嘅清新芳香。
越式咖喱牛腩鍋配印式薄餅
$105
11 views
0 likes
0 comments
咖哩牛腩鍋原本已配有法包或印度薄餅，我哋再令外叫左絲苗白飯黎配咖哩。咖哩鍋有明火不斷加熱，令咖哩全程都香噴噴。咖哩鍋嘅料都非常豐富，除左好多牛腩同牛筋外，仲有青椒，洋蔥同炸薯仔。咖哩香料味十足，而且仲有椰香味，好惹味，配上熱騰騰嘅印度薄餅或者白飯，十分好食。牛腩牛味好夠，肉亦都好冧，牛筋更加係軟硬適中，一咬落去牛味散發至成個口都係。炸薯仔係咖哩鍋有驚喜嘅部分，外皮炸到金黃香脆，入面就冧得啱啱好，吸收埋咖哩香，味道一流。
香茅燒烏頭
$173
8 views
0 likes
0 comments
香茅燒烏頭超級好食，可以用呢個價錢食到咁高質嘅燒烏頭魚實屬難得。首先佢嘅外皮望落燒得好焦脆乾身。一切開塊魚皮，望到入面魚肉本身好有光澤，好容易甩到皮。食落口，烏頭味超級出。因為係燒嘅之前用左份量適中嘅鹽黎醃，咸味同香茅味將魚嘅鮮味更加吊左出黎。魚肉除左香外，都好滑，火侯控制得好好。跟魚一齊上嘅仲有一碟酸香草醬汁，佢令到呢味菜更上一層樓。酸味令味道有多一重變化，免於單調。加上左香草味之後，令烏頭魚本身刺激味蕾嘅香味變成一種易入口，溫和嘅清香。外皮正如望落一樣超級香脆惹味，微微嘅焦苦味令人上癮。
青檸梳打
$28
16 views
0 likes
0 comments
椰汁紅豆冰
$28
11 views
0 likes
0 comments
飲品方面，叫左一杯青檸梳打同一杯椰汁紅豆冰。青檸梳打冇加糖水，純粹係青檸汁溝梳打水，清身可口。另外椰汁紅豆冰椰汁好滑好正，再配上一粒粒既紅豆，非常不錯。
Post
