牛魔 (Closed)

今日午餐去左食燒肉，地點係位於尖沙咀既牛魔，係一間高級日韓燒肉店，主打美國、日本、澳洲等各地優質和牛。午餐餐牌有午市燒肉定食3款，另外都有麵，鍋，飯類，蘭王蛋配飯，同小食。今日第一次黎，叫左兩個午市燒肉定食分享。燒肉自選定食（三款盛）$128 另加一燒肉自選定食（三款盛）可以揀三款燒肉，我地揀左薄切和牛牛舌（5枚）， 黑毛豬頸肉（ 4枚）， 和牛牛肩肉（ 3枚）。擺盆不俗，伴有爽口菇件。薄切和牛牛舌好有嚼勁同重牛味；黑毛豬頸肉油脂豐富； 和牛牛肩肉牛味濃，好食！澳洲和牛三盛 $168 另加一澳洲和牛三盛包括澳洲和牛西冷3枚，澳洲和牛胸腹3枚同澳洲和牛五花3枚。3款澳洲和牛都又嫩口牛味又濃，已加肉汁同白芝麻粒，好好食。醬料有辣蒜蓉，燒汁同鹽。個燒汁好惹味。自己選擇加定唔加。燒肉定食包沙律，前菜，牛骨湯同御飯。沙律係生菜加粟米粒，都好新鮮，醬汁係芝麻醬，好味道。前菜係中華沙律，上面加上白芝麻粒。牛骨湯味道好清，有好多昆布同豆腐粒。牛魔拌飯 加$5 另加一御飯可以加$5升級牛魔拌飯。牛魔拌飯大大碗，珍珠米好大粒，個汁甜甜哋好味。另外追加左兩款小食。櫻花蝦栗米餃子 2隻 $18 另加一櫻花蝦栗