和牛燒肉一郎 (新都城中心二期) (Closed)

今日同朋友去咗將軍澳食嘢，我哋兩個都係食肉獸，啱啱見到新都城二期有一間食黑毛和牛燒肉，門口仲有一隻大和牛，好吸睛，於是決定入去試一試。餐廳座位都幾寬敞，上菜係用密封快速列車上，好少燒肉店有，都幾得意而且又衛生。餐廳仲有自助飲料區、有棉花糖任拎、仲有甜品櫃，地方都幾乾淨闊落。我哋叫左Course C，性價比都幾高。套餐包兩款黑毛和牛、澳洲 M9薄炙盛合和牛油脂分布非常鮮明，而且肉質嫩滑，澳洲牛味都幾重，整體牛嘅質素都好唔錯另外仲有四款特選牛可以任叫，我哋最鍾意係牛肋肉，雖然無和牛咁香油脂味，但質素都好高，肉質好冧，我哋都叫咗好多轉😆除咗牛之外，餐廳仲有其他好多選擇，雞腿肉都非常之鮮嫩，我地仲叫咗菠蘿、枝豆，都非常之新鮮，燒落又香口鮮甜，好開胃。除咗肉類，仲有好多前菜小吃，明太子沙律、冷麵、野菜湯等等都做得好出色。值得一提餐廳提供的甜品，除咗杯裝西式甜品，仲有好多款日本明治雪條，每人都唔使400就可以食到咁多野，抵食！