牛魔 (Closed)

好耐冇食過燒肉，今日就特登搵咗呢間餐廳。平日晚市時段Full Booking, 質素應該唔錯。餐廳安排我哋坐吧枱位置，感覺廚房環境整潔企理。梅酒蕃茄蕃茄鮮甜，又冰冰涼涼咁，作為開胃前菜感覺唔錯。蘋果木煙燻松露和牛他他將蘋果絲、蛋黃放落和牛他他入面攪勻。有少少煙燻味，感覺似食緊生肉沙律。和牛肉質嫩滑，就算係生食，都唔會感覺好腥。芝士吉列鳥肶肉飯卷飯卷上面鋪左一層芝士，食落幾creamy。上面嘅三文魚子有啲係落咗Wasabi醃嘅，感覺幾特別。吉列雞髀肉個炸粉唔會太厚，肉質嫩滑。香蔥薄切牛舌店員有介紹每款肉要煎幾耐。呢個薄切牛舌大概煎45秒就可以食，煎完牛舌仲好保留到佢嘅肉汁，點埋蔥更加惹味。澳洲和牛牛板腱和牛油脂分布均勻，嫩滑有牛香，上面仲落咗少少蒜蓉，令到和牛更惹味。醬油鳥肶肉雞髀肉已經用醬油醃好，兩邊煎到少少燶咁食感覺更惹味。野菜組合好有秋天嘅特色。配上牛油，慢慢烤下好似係南瓜、翠玉瓜、番薯、粟米等嘅材料。唔使落調味已經好好食。